එකටම ගියත් දෙපලක

ඉපදී හැදී වැඩුණේ එකට
දෙපොලක තනිවෙලා නමුත් ගෑවී නොගෑවී එකිනෙකාට
බාෙහෝ දුර ගමන් ගියාට
දෙදෙනා වෙන් නොවී..

ගෙදර ආ සැනින්
නුඹලා නුඹලාටම
නැති වේ යැයි බයට!
අල්ලා ගැට ගැසුවෙමි එකට.
.
.
.
.
මගේ මේස් දෙක

වැසි දිනක්

උදේ සිට චුරැ චුරැව
නොනැවතී ඇදහැලෙයි
සිවිලිමෙන් බේරිලා
වැහි බිංදු ගේ තෙමයි
ගුලි වෙලා ඇඳට වී
ගත සිත ම මූසලයි
ෂික්! අද අපිට බොන්න තිබ්බෙ බං..

අද හරිම සීතලයි

Hangover Part 2

බීමත්ව සිටිනා විට
ලොව සැනකෙලියකි
වෙරි හිඳුනාට පසු
එය මළකෙලියකි..

ගල්

අපි පව්කාරයන්-ට-ගල් නොගැසුවෙමු
අපි පවුකාරයෝ වෙමු 
එමනිසා
අපි ගල් ගැසුවෙමු

Bitter Sweet Symphony

ඇත්ත අස්ථිර 
ඉස්තිර ලෝකේ 
ඔලුව හිර කල 
බිත්තර කටු බිඳින 
"තිත්ත පත්තර"

Seasons of the Mind

හිරු රැස් වලින් පිරුණු ලස්සන වසන්ත කාලය නිමා වෙලා 

ශීත කාලය ආයෙත් එනවා 

ශීත කාලය කටුකයි , අඳුරුයි , මූසලයි 

එත් මම ඒ මූසල කමට ආසයි

මූසල සීතලට මුවා වෙලා කෝපි කෝප්පයක රස බලන්න , සිගරට් එකක් බොන්න ආසයි

ශීත කාලය කොච්චර අඳුරු වුනත්, කවදාවත් ශීත කාලය නිමා නොවෙනවානම් ආසයි..

ඒත් දන්නෙම නැතුව ශීත කාලය  ඉවර වෙලා , වසන්ත කාලය ආයෙත් උදාවේවි..

වසන්ත කාලය පැමිණේවි

කුරුල්ලන් ලස්සන ගීත ගයාවී 

දීප්තිමත් උණුසුම් 

මිතුරු හිරු රැසින් ලොව නැහැවේවි !

එහෙත්..

ශීත කාලය එනවා සත්තයි ! ඒ ශීත කාලයට මම ආදරෙයි !

හන්දිය හතරමන් අතර මං අතරමන්

හතරමන් හන්දියේ 
වාහන එක පෝලිමට
චක් චක් 
චක් චක් සද්දෙට 
සිග්නල් දමාගෙන 
වමට දකුණට 

කොහේ යන්නද කියා 
නොදැන හිරවී ට්‍රැෆික් එකට
ඉන්නවට වඩා සැපයි 
පාර අයිනෙන් නවත්තාගෙන
දුමක් අදින එක 
හසාර්ඩ් දමාගෙන 
චක් චක්
චක් චක්

Blind Faith

තඩි බඩ සුදු සරමට හැකිලෙන
කඩුව semi automatic ද ?

සල්ලි මිටි කටින් ඩැහැගෙන
කළු කෝට් කපුටන් පියාඹයි
සුදු පාට බෙටි තලි
උඹේ ඔලුවට දාගෙන

පට්ට වයිරෙන් අඹරන්න
දෙවියොත් බලන්නැති දෙවොලට ගිහින්
කිරා දීපන් මට හොඳවයින්
ඇස් පොට්ට උඹේ තරාදියෙන්
රත්තරන් වටින
අමු මිරිස් කිලෝ එකක්

18 සන්නිය

පපඩම් වගේ පිපෙන 
ලදරම් හිතේ පැලවුන 
මනරම් හීන ඇස් පනාපිට 
ටකරම් වගේ මලකඩ කනකොට 
අසමෝදගම් බිව්වට හොඳ නොවන 
කල මෝඩකම් බඩ  දඟලනකොට 
පන්දම් කටින් අරගෙන නටන 
වන්නම් තියෙන තොයිලය පට්ට ආතල් 

Shots

තිත්ත ඇත්ත
මායාවෙන් සැන්ඩි කොට
සමාජය ගෙන බයිටට
බොමි එක හුස්මට

Fear

බය...

හිතේ කොනක පැල වෙලා

එකා එකා වතුර දාලා

දන්නෙම නැතුව ලොකු වෙලා

මහා රූස්ස ගහක් වෙලා

බය

ගල්

පලක් ඇති රුකට ගහන්නෙත් ගල්

පලක් නැතත් දුකට ගහන්නෙත් ගල්

Smoking Kills

නවත්තන්නට 
හිතන්න හිතන්න
තව තවත්
ඕනේ වෙන
ඈ
දුම් වැටියක්
සිතේ පිච්චෙන...

කන්තෝරුව කන්තෝරුව

Instant Coffee
Constant Pressure
Resistant Mind
Distant Friday  

මදුරු කොයිල්

හුරුබුහුටියට 
උසට උසේ
දැල්වුනත් දස අත සුවඳ දිදී
මල් සුවඳ හමන හඳුන්කූරු

පන්නලා මැසි මදුරුවෝ
අපිව නිදිකරවන්නේ සැපට
කැතට කැතේ කැරකුනු
කර්කෂව පිච්චෙන
ගඳ ගහන
මදුරු කොයිල්..

What "LIES" within

අවුරුදු උත්සවේ තෑගි ගන්න 
පොඩි එකා බොරු කියයි

වැඩි වැඩියෙන් බලේ ගන්න
ඇමතියා බොරු කියයි
....
දරුවන්ගේ කුස ගිනි නිවන්න
හිඟන්නා බොරු කියයි
....

මේ ඔක්කොම බොරු වල බර එක සමානද?

White Lies , Black Lies , All Lies..

Everything
is
a
LIE!

කැරකිලා බනිස්

මාගේ ජීවිතය මැද ජෑම් ඇති කැරකිලා බනිස් එකක් වැනිය..
එහි අග ඇත්තේ මෙලෝ රහක් නැති මා දැන් ගෙවන කාලකන්ණි ජීවිතයයි..
කැරකිලා කැරකිලා මුලට ගිය විට,
එහි මුල ඉන්නේ..
ඇයයි

කැත මිනිහාගේ ලෝකය

දුටුවන් මන බඳින ලස්සන selfie..
Magazine වල ලස්සන පිටකවර..
කව්රුත් දකින්න ආස ලස්සන මූණු..
ලස්සන ඇස් වලට පෙනෙන මානයෙන් එපිට
කැත මිනිහාටත් ලොවක් තියේ....

වෙලාවක් තිබ්බොත් බලන්න

උණු වෙලා ගිනි ගෙන , වැටුනත් ඉටිපන්දම් ජීවිතේ , වැටෙන ඉටි මල් වලත් , පොඩි "ලල්" එකක් ඇත

කළුවරේ යන්තම්

දැවෙන ඉටිපන්දම්

ඉටිමලින් මනරම්

ගොතමි කවි මල්දම්

- ගැබා