Sunday, March 29, 2015

තාමත් යන්නේ වැරදි බස් එකේද ?

office එක ලඟින් පිටකොටුව බසයකට ගොඩවුනේ මිතුරන් සමග සෙට් වීමකට යාමටයි.පූජ්‍ය පක්ෂය සඳහා වෙන්වුණු ඉදිරි පෙළ අසුන පැත්තෙන් තරමක ඝෝෂාවකි.අසුනේ සිටි තලෙළු , කෙසඟ ස්වාමීන් වහන්සේ නමක් , උන්වහන්සේගේ එහා පැත්තේ වාඩි වී සිටින තරුණයා හට කුමක් හෝ කාරණයක් ගැන හෙන දේශනයකි.තරුණයාගේ තක්කු මුක්කු වුනු ස්වභාවයෙන් මට පෙනුනේ , ස්වාමීන් වහන්සේ අනාරාධිතවම ඔහුට තෙල ගැසීමට පටන් ගත් සෙයකි.සාමානයෙන් හිමිනමකට ආවේනික නිවුණු,සිත නිවන කට හඬ වෙනුවට , හිමිනමට  තිබුනේ තරමක උච්ච සවරයක කටහඩකි. තරුණයාගේ accent එකෙන් හැඟුනේ ඔහු දමිල තරුණයෙක් බවය.තරුණයා සහ ස්වාමීන් වහන්සේ අතර සංවාදේ  ජයටම නැගලා යයි.( සංවාදේ කියන්නත් බෑ හැබැයි, ඉඳහිට අහන දේකට දෙන කෙටි පිළිතුරක් හැරුනු කොට තරුණයා වැඩිමනක් හිටියේ full හොල්මන් වෙලාය ).

පූජ්‍ය පක්ෂ අසුන් පෙලට ආසන පේලි දෙක තුනක් පිටු පසින් සිටි මගියනුත් , මේ කුමන case එකක් දැයි කුතුහලයෙන් , සමහරුන් “අපෝ අපිටත් set වෙයිද දන්නේ නෑ” වැනි බියමුසු බැල්මෙන් වෙන සිදුවීම දෙස බලා සිටිති.

සාමානයෙන් වෙනදාට බසයකට නැගුනු වහාම , headset ඇබ දෙක කනේ ගසාගෙන , වටේ පිටේ සිදුවුන දේවල් පඩයකට මායිම් නොකර , ඉඳ හිට බසයට ගොඩ වෙන පාට පාට සමනලියන්ගේ කිචි බිචි බස් වලින් පමණක් interupt වන මනෝ ලෝක සාගරේ ජබු ගහන මට , කුමක් හෝ හේතුවක් නිසා මේ oneway සවාදයට සවන්  දෙන්නට සිතුනි.සංවාදය නැගලා යයි...

මුලින්ම මට සිතුනේ මේ ස්වාමීන් වහන්සේ යම්කිසි මානසික අව්ලකින් පසු වෙනවා ඇති කියාය, ( කාටවත් අපහාස කරනවා නෙමෙයි, එවන් ලෙඩ රෝග ඇති පැවිදි අය මා දැක ඇති නිසයි එලෙස සිතුනේ) , නැත්තම් ඉතින් මේ අහක යන පොරක් අල්ලන් උට තෙල ගසයිද.කෙසේ නමුත්, ටිකක් වෙලා එතුමාගේ කතා වලට සවන් දුන් මට, tv එකේ පෝයදාට පොෂ් විදියට බණ කියන ලස්සන සුදු පින්පාට media superstar  ස්වාමීන් වහන්සේලාට වඩා , සැහෙන්න වටිනා අදහස් එතුමාට ඇති බව වැටහුනි.ඒ වගේම ගොඩක් දේවල් ගැන හොඳ දැනුමක් එතුමාට ඇති බවත් , නිකන් ආවට ගියාට කියවන කෙනෙක් නොව , ඇත්තටම පිරුණු පුද්ගලයෙක් බව තේරුම් ගැනීමට මට වැඩිවෙලාවක් ගියේ නැත.විවිධ ආගම් , ජන කොටස් අතර සම්බන්දතා වැනි අද කාලේ කතා බහට ලක්වෙන sensitive මාතෘකා රාශියක් ගැන ( මගේ limited vocabulary එකෙන් කියනවනම් ) සිරාම talk ටිකක් හිමියන්ගේ කටින් කියැවුනි.

ටිකක් වෙලා කතා කරමින් යන විට තරුණයා දමිල ජාතිකයෙක් බව හාමුදුරුවන්ට තේරුණු සෙයකි , “පුතා මොන ආගමේද? ආහ හින්දු ද? දැන් පුතා දන්නවද..” හාමුදුරුවෝ හින්දු ආගමෙනුත් උපහැරණ උපුටාගෙන චතුර ලෙස කතා කරති.එතුමා දිගින් දිගටම කියා සිටියේ කිසිම ආගමක් නරකක් කියා නැති බවත් , අපි සැවොම එකට ජීවත් විය යුතු බවත් ය.

“මම සැහෙන්න දුක් වෙනවා පුතා මට දෙමල බැරි එක ගැන , මට දෙමල පුළුවන් වුනා නම් මට තිබ්බා දෙමල මිනිස්සු එක්කත් හොඳට කතා කරන්න” .. ටිකක් වෙලා යන විට තරුණයාගේ සිංහල භාෂාව process කිරීමේ හැකියාව 100% නොවන බව වටහාගත් හිමියන්, තේරෙන සිංහලෙන් කිව්වොත් flawless ලෙසඉංග්‍රීසියට මාරු විය.( කඩ්ඩෙන් කිව්වේ මොනවද කියල මගෙන් අහන්න එපා , මගේ ඉංග්‍රීසි භාෂාව process කිරීමේ හැකියාව 100% නෙමෙයි ).සංවාදය , a lot more one-way than it was to start with , ජයටම නැගලා යයි.
ඔබ මේ ලිපිය මෙතෙක් වෙනකල් කියවූවා නම් , ( ප්‍රථමයෙන් මම ඔබට ස්තුති කරමි , මගේ මෙලෝ රහක් නැති ගොරහැඩි රචනා ශෛලිය අමාරුවෙන් ඉවසන් හිටියාට ) ,  මේ ගැබා දැන් මෙච්චර ගොඩක් දේවල් කියාගෙන ඇවිත් මොකද්ද කියන්න හදන්නේ කියා ඔබ කල්පනා කරනවා ඇති.

අපේ හාමුදුරුවන් තරුණයාට පැවසු එක වදනක් මට සැහෙන්න සිතට වැදුනි , ඒ දෙය ඔබට කීමටයි මෙච්චර වෙලා වුනු සිද්දිය පැහැදිලි කලේ , ගහෙන් ගෙඩි එන්න වගේ කිය හැකිද ඒ වගේ වදන්.

මා කලින් කී පරිදි , language file එක ඉංග්‍රීසියට මාරු කරගත් අපේ හාමුදුරුවෝ , තරුණයාට මෙසේ පැවසීය

“පුතා , do you know what religion is ? Religion is not Buddhism , religion is not Hinduism , religion is not Christianity. TRUTH IS MY RELIGION ! We should try to find the truth through religions”

TRUTH is my religion , that’s the best damn thing I heard all day!

මගේ ගමනාන්තයට මම ලඟා වුනිමි , බසයෙන් බැස්සෙමි , නමුත් තවමත් අපි යන්නේ වැරදි බස් එකේ බව මට වැටහුණි.

P.S - while you`re at it..








27 comments:

  1. TRUTH IS MY RELIGION ! Superb one brother! Good luck :)

    ReplyDelete
  2. This comment has been removed by the author.

    ReplyDelete
  3. Replies
    1. adee thanks Hiyala , dan ne dakke me umba kiala ;)

      Delete
  4. Is this your first post?? Nailed it bro.. good one

    ReplyDelete
    Replies
    1. yes cuz , first post , thanks a lot bro !!

      Delete
  5. පට්ට මචං, අද මිනිස්සු මැරෙන්නේ ආගම නිසා... අනේ මන්ද බං, මට හිතෙනව ආගම් කියල දෙයක් නැති උනානම් මිනිස්සු මීට වඩා සතුටින් ඉදීවි කියලා...

    ReplyDelete
    Replies
    1. Thank u macho :) mama num hithanne bun agam thiyenna one , eth ape ekala walige pagagena ne bun inne , inna tike athal eke samen indala yanne nathuwa :P

      Delete
  6. ඒ හාමුදූරුවන්ට මගේ ආචාරය!

    ReplyDelete
    Replies
    1. අනිවා මචෝ , තව ටිකක් උන්වහන්සේ කතා කරනවා අහන් තිබ්බා නම් තව දේවල් ටිකක් ඉගෙන ගන්න තිබ්බා :)

      Delete
  7. මේ වගේ හාමුදුරුවන්ට උරුම බස් රථ අසුන් පමණක් වීමත් පුයර ගා ගත් සිවුරු බබාලාට මීඩියා ආසන හිමිවීමත් පිළිබඳව සාතිශය සංවේගය

    ReplyDelete
    Replies
    1. කියල වැඩක් නෑ බන් , කොටන් අදින අලියට පෙරහැරේ යන්න නෑ

      Delete
  8. one of the best blog i have ever red - Lahiru Cooray

    ReplyDelete
  9. Great one. I like the natural writing style!! :D

    ReplyDelete