Thursday, April 30, 2015

හන්තානට පායන සඳ පන්නිපිටියටත් පායනවා බන්


ඔබ ගැන මතකය ගුලි කර                දමන්නට
මහවැලි ගඟක් නැත මෙහෙ නම්   හොයන්නට
හංදියෙ pub එකෙන් ගත් ගල්          බාගෙකට
සැන්ඩි කරමි මතකය මත්                 ගඟුලකට

- ගැබා


කැත මිනිහාගේ ලෝකය


දුටුවන් මන බඳින ලස්සන selfie..
Magazine වල ලස්සන පිටකවර..
කව්රුත් දකින්න ආස ලස්සන මූණු..
ලස්සන ඇස් වලට පෙනෙන මානයෙන් එපිට
කැත මිනිහාටත් ලොවක් තියේ....






Thursday, April 23, 2015

ඩුබායි ගිය සුමනාගේ කවිය

හිත මිතුරු මරු කතර මැද
සුල්තාන්ගේ නපුරු මැදුරේ,
"බිම පිහදාපන්,කන්නාඩිය වගේ" 
බුරපු සුල්තාන් සැප පුටුවේ..

දා බින්දු වක් කරන්..
පොලොව පිහි දැම්ම මම
ලොකුම ලොකු දාඩිය බින්දුවක්
වැටුනා රළු පොලොව උඩ

වැටුණු ඒ දාඩිය.. 
බින්දුවේ පතුලෙන්ම 
දැක්කා මම උඹේ මූණ,
ගම් මැද්දේ දුක් විඳින
පොඩි උනුත් වට කරන්..

"මාලිෂ් ලුලු"
කෑගැහුවා සුල්තාන්!
"පිහිදපන් ඔය ඉලව් දාඩිය බින්දු..
කැත කරන මගෙ පොලොව"

දාඩියත් එක්කම 
උඹලවත් පිහිදැමුනා
ඇඳන් හිටි රෙද්දෙන්ම..

ඇස් වලින් කඳුළු කැට
වැටුනත් උඹල ගැන
කලවමේ දාඩියට
සැඟවුනා මගේ කඳුළු..

දිලිසෙනව බිම දැන්
කන්නාඩියක් වගේ..
කන්නාඩියෙන් හෙව්වා මම
හුරුපුරුදු මගේ මූණ..

දැක්කේ නෑ මම මාව,
කොහේ නැතිවෙලාද මම?
දැක්කේ ඒ වෙනුවට 
සුල්තාන්ගේ කොටි දෑස,
බඩගින්නේ තලු මරන..

**********************

කඳුළු බිඳු එක්කම 
උඹලවත් පිහිදැමුනා
කැඩුණු මගේ රෙද්දෙන්ම....




රිමාන්ඩ් එකයි ඉස්පිරිතාලෙයි කියන්නේ සමාන පද ද ?

මුලින්ම කියන්නේ ඕනේ මම දේශපාලනේ ගැන මෙලෝ අල බෝලයක් දන්නේ නෑ , මම පොඩි කාලේ ඉඳලම tv එකේ යන හැම රෙද්දම බලනවා news හැර.මම මේක ලියන්නේ දේශපාලන පඬි විවරණ දෙන්න නෙමෙයි , බොක්කෙන්ම උපන් කුතුහලය නිසා.

බැසිල් මහත්තයා අද රිමාන්ඩ් භාරයට ගත්තා කියලා උදේ අම්මා කිව්වා.දැන් ගෙදර ඇවිත් හවස තේ එක ( හවස තේ එක කිව්වට බොන්නේ 7 ට විතර )  බොද්දි මෙන්න 7 news වලට කියනවා එයාව රෝහල් ගත කලාලු.

පහුගිය කාලේ ජල්තර දාගෙන මාට්ටු වෙච්ච ඇමතිලා , උන්ගේ පුතාලා ( උන්ට ඇත්තටම වෙන කාගේ හරි පුතාල කිව්වනම් තමයි හොඳ , ඒත් මගේ යාලුවෝ මට අවවාද කළා නේ blog එකේ වත් තොගේ මජර කට වහන් හිටු ගොන් ගැබා කියල , ඒක නිසා කට lock කරන් කරබාගනිමි ) ,තව ලොකු ලොකු හයිරන් කාරයෝ ඔක්කොම කෙලින්ම ගියේ බන්ධනාගාර රෝහලට.යකෝ පොලිසියට මාට්ටු වෙලා බලු van එකේ කුදලන් යනකොට රාළහාමිලා මුන්ට අතවර කරලද , මෙච්චර අහුවෙන අහුවෙන ලොක්කෝ කෙලින්ම ඉස්පිරිතාලේ දාන්නේ ?

කූඩුවේ තපින්නේ නැතිව ආතල් ගන්න ලෙඩ ඇඳට යන මේ අයියලා දැක්කම මට මතක් වෙන්නේ campus යන කාලේ medical එකක් දෙන්න තිබ්බ අමාරුව..

Campus යන කාලේ exam එකක් කට් කලොත් එය absent ලෙස ගණන් ගන්නා අතර , ලබන අවුරුද්දේ එම කට් කල subject එකම නැවත කලත් එය ගණන් ගන්නේ දෙවෙනි වාරයට උත්සහ ගත් ලෙසටයි.එලෙස දෙවෙනි වාරයට ගණන් ගන්නා ඒවාට උපරිම දෙන්න C එකක් පමණි ( මට මතක විදියට ).ඉතින් class , special දාන්න try කරන අයට මෙය ලොකු බාධාවකි.මක් නිසාද යත් සමහර subject ඇන වෙන line එකක් පෙන්නුම් කලොත් , උපරිම ප්‍රථිපල පතන ඇක dial වහාම එම subject එක ලබන අව්රුද්දෙ කිරීමට තීරණය කරති ,එතකොට හොඳට පාඩම් කරලා හොඳ grade එකක් ගන්න පුළුවන් නිසා.

මම නම් ලොවෙත් medical දී නැත , ඒ දෙයියන්ගේ පිහිටෙන් මට exam සමයේ ඉහෙන් බහින රෝගයක් නොවැලදුනු නිසාත් , මගේ පරම target එක වූයේ pass වීම පමණක් නිසාත්ය. ( නමුත් ඒ approach එක වැරදි බවත් , මා ඒ කාලේ ගොන් හරකෙක් වූ බවත් මට දැන් තේරේ .මේක කියවන campus නංගිලා මල්ලිලා ඉන්නවනම් උඹලා දැන් ඉඳලම මහන්සි වෙලා උපරිමයෙන් ඉගෙන ගනිල්ලා , නැත්තම් පස්සේ පස්සට ඇරගැනීමට සිදුවේ ).

කොහොමහරි medical දීපු මගේ යාලුවෝ කියන පරිදි නම් , campus එකේ medical එකක් pass කරගැනීම වනාහි මර්වින් සිල්වාට අවකලනය කියා දෙනවාටත් වඩා පට්ට අමාරු වැඩකි.

Exam අවුරුද්දකින් කල් දාගෙන හොඳට පාඩම් කර ගොඩ යාමේ තැත ගැන නොදැන සිටීමට තරම් මයිනන් නොවූ campus බලධාරීන් , medical සම්බන්දයෙන් මයිල් ගසටම සොයා බලා නීතිය ක්‍රියාත්මක කළහ.

මට මතක විදියට එකල accept කලේ රජයේ රෝහලකින් , දින 3ක් ( හෝ ඒ වගේ ගාණක් ) හෝ ඊට වැඩි ගානකට admit වී ලබාගත් රජයෙන් නිකුත් කරන medical පමණි.Private ඒවා accept කලේ campus එකේ නේවාසික දොස්තර මහතාගේ පට්ට investigation එකකින් පසුවය.

Campus එකේ දොස්තර , medical pass කරගැනීමෙහිලා ක්‍රිස්තියානු සාහිත්‍යයේ එන ශාන්ත පීතර වැනි පොරකි.සුරලොවේ දොරටු පාල වන ශාන්ත පීතරතුමා , ලොවෙත් ඇන්දිය නොහැකි ලෝකේ කාපු පොරකි. ( මා ක්‍රිස්තියානු බැතිමතෙක් නොවේ , මම කියන්නේ පට්ට බොරු නම් මාව හරිගස්සන්ඩෝ ).මරණයෙන් පසු සුරලොව වෙත එන බුවාලා , සුරලොවට ඇතුලත් වීමට සුදුසුදැයි තීරණය කරන්නේ එතුමායි.එතුමාට බෝලේ බස්සලා සුරලොවේ දොරටුවෙන්, එනම් pearly gates වලින් ,රිංගා ඇතුලට යාමට සක්විති sir වැනි ලෝක කැ*යෙක් ආවත් බැරිය.

Campus දොස්තරද ශාන්ත පීතර පරපුරේ වත්මන් නියෝජිතයෙකි , පීතරතුමා මුනිවරයෙක් වුනත් , දොස්තර නම් medical pass කරගන්න යන්න කොල්ලෝ කෙල්ලන්ට පේන්නේ වසවර්ති මාරයා වගේය.

Medical එක අතට ගන්නා දොස්තර , ලෙඩේ ගැන අලගිය මුලගිය තැන් විස්තර සියල්ලම ශිෂ්‍යයාගෙන් අසයි.4 වෙනි තට්ටුවට අරන් ගිය JVP සාමාජිකයන්ට කළා යැයි කියන වධ ගැන ඔබ අසා ඇත්නම් , දොස්තරයාද මේ දැන් ලාච්චුව ඇරලා තමාගේ කොට්ටම්බ තලාවි යයි කොල්ලන් බය වෙන තරමට දොස්තරගේ interrogation එක දරුණුය.

දොස්තර ළමයින්ව බෙල්ලෙන්ම අල්ලා ගන්නා ප්‍රශ්නය ලෙස ප්‍රචලිත වී තිබුනේ , "හා කියන්න බලන්න මොනවද බීපු බෙහෙත් කියලා??" යන පැනයයි.බෙහෙත් වල medical නම ඔහු අපේක්ෂා නොකලත් , ළමයා කියන පාට , මාත්‍රාව වැනි attributes වලින් ඔහු දියෙන් කිරි වෙන් කරගන්නා බව කා අතරත් පැතිරී තිබුණු මතයකි.

මේ medical මාරයාගෙන් බේරෙන ක්‍රමය අපේ batch එකේ කොල්ලෝ කෙල්ලන්ට කියා දුන්නේ , medical දීමේ ඔස්තාර් කෙනෙක් ලෙස සැලකුණු උඩ batch එකේ අයියා කෙනෙකි.ඉහේ කෙස් ගානට medical දී ඇති එම අයියා ( අවන්කෙන්ම මට අයියගේ නම මතක නැත) , දොස්තරගෙන් ටකේටම බේරෙන ක්‍රමය අපේ උන්ට කියා දී ඇත.

"මම නම් කියන්නේ මචං ලෙඩේ ඇහුවම diarrhea කියලා , මම medical එක ලියාගන්නෙත් ඒකට"

( ඩයරියා යනු නොනවත්වා බොග යාමයි )

"එතකොට අයියේ දීපු බෙහෙත් වල විස්තර ඇහුවම??"

"එතකොට කියපන් බන් බෙහෙත් දැම්මේ පුකෙන් කියලා.."

( ඩයරියා වලට ගුද මාර්ගය හරහා බෙහෙත් ඇතුලත් කිරීම සුලභව සිදු කරන්නකි )

".. මොකෝ පුකෙන් දාන බෙහෙත් වල පාට නම ගම බලාගන්න පුකේ ඇස් තියෙනවායැ බන්!"

දොස්තරගේ මාරක උගුලෙන් බේරෙන loop hole එක මෙයයි.

දැන් නැවතත් රිමාන්ඩ් - ඉස්පිරිතාල correlation එක වෙතට..

මට ඇති ගැටලුව නම් , campus එකක medical එකක් පාස් කරගැනීමටත් මෙච්චර අකුරට සොයා බලන අපේ රටේ රාජ්‍ය තන්ත්‍රය,ජනතාවගේ සල්ලි මිලියන ගණන් හොරා ගත් හොර දෙටුවන් කිසිම වග විභාගයක් නැතුව ඉස්පිරිතාලෙට කැන්දන් යන්නේ අහවල් හු යන්නකටද යන්නයි?

සමහර විට ඇමතිතුමාලත් බන්ධනාගාර දොස්තරට මෙහෙම කියලද දන්නේ නෑ shape වුනේ..

"අනේ මුකුත් දන්නේ නෑ doctor මම නම් , මට පුකෙන් නේ දැම්මේ!"

කෙසේ වෙතත් මා එක් දෙයක් දනිමි,අන්තිමට පුකේ ඇරෙන්නේ වෙන කාටවත් නොවේ , අපිටය , ජනතාවටය!


Wednesday, April 22, 2015

වෙරි නයි`s

නයි ගැන ඔබ නොදත් / දත් facts කීපයක්



  • නයා වැඩ කරන සපත්තු කඩේ යතුරට කියන නම කුමක්ද?
       නයි - key

  • නයා selfie rap එකක් කරා , නයාගේ rapper name එක කුමක්ද?
       Tech නයි - න්
TechN9ne

  • What Happened to නයා who applied for US visa ?

       He got de-නයි-d



  • නයාට 8 වසර විද්‍යාව කියල දුන්නේ කව්රුන්ද?
       Bill නයි
Bill Nye

  • නයා දිනපතා කියවන පත්තර දෙක මොනවාද?
       දිණමි-නයි  සිළුමි-නයි
  • What is the name of the bank loan scheme , designed exclusively for නයාs ?
       නයි - loan
        


  • Nine නයාs walk in to a night කඩේ and order 9 plain teas , what was the bill amount ?
       Rs නයි - න් Tea Nine /=

  • නයා sucks at making love , what did the නයි wife tell him ?
       තෝ මහ බෙලහී-නයි !


  • නිදහස් උත්සවේ දවසේ ජාතික සමගිය පෙන්නන්න සිංහල,දෙමල,බර්ගර්,මුස්ලිම් නයි කෙල්ලෝ හතර දෙනෙක් අත් අල්ලන් දුවන video එකක් shoot කළා , නයි කෙල්ලෝ හතර දෙනාගේ නම් මොනවාද?

       සුම-නයි , මී-නයි , ටී-නයි , ෆරී-නයි



       Alternate answer : නයාට අත් නෑ යකෝ , ප්‍රශ්නේ invalid.

  • නිතරම පිහිනීමට කැමති , ගැහැණු ගති ඇති ( Girlish ) පිරිමි නයින්ට කියන නම කුමක්ද?

     P - නයි    ( plural )



    
     පොන් - නයා ( singular )


Bonus

  • What was the name of the snake charmer from Sri Lanka ?

        Snake චාමර


54න් කොළ 4ක්

එදා....

You were the Queen of my world..
I was the Joker who made you smile,
Like Jack from Titanic , i felt like the King of the world..

අද....

ඇල්ලුවත් අත කැපෙන පොරොවක් නුඹ..
කාලකන්ණි වුනු ගූ හේරෙක්  මම..
ලෝකෙම ඉස්සරහ බූරුවා වුනත්,
එදා වගේම අදත්, මම
JOKER..




මේක මෙලෝ රහක් නෑ වගේ නම් මේක අහල කටේ ජරා රහ ඇරගන්න :p

Tuesday, April 21, 2015

Cocktail Bartender

What did the chicken customer say to the annoying chicken bartender who kept telling boring stories ?

Shut the cluck up ! i`ve had enough of your Cock-Tales !

*ba dum tst*






ප.ලි :

  •  cock-tales as in කුකුල්-කතා , not the other cock.
  • Image එක ඉස්සුවේ මෙතනින් , idea සහ කතාව මහින්ද අබේසුන්දර  100% ගැබා.
  • හිනා ගියේ නැත්තං මට සාප කරන්න එපා ඔන්න :p


Sunday, April 19, 2015

The Cage

අඳුරු හිර කූඩුවක
හිරවෙලා මම,
කෑගැහුව මතකද ?,
ඉල්ලලා නිදහස...

උඹ ගියා ඔබ මොබ,
යතුර අත ගුලි කරන්,
නැසූ කන් ඇතුව..

වැඩක් නෑ දැන් ඉතින්,
යතුර මට විසි කෙරුවට...
අඟුළු දාගත්තා මම...
ඇතුල් පැත්තෙන්,
සදහටම..



Gaba`s guide to "How to be a Pervert and Get Away With It"




බස් එකේ , කෝච්චියේ , මෙවන් විපතක් ඔබටත් සිදුවිය හැක...

"හහ්, මම බලන් හිටියේ දැන් හෙන වෙලාවක ඉඳන් , මොනවද බලන්නේ ?? වනචරයා !! "

"කව්ද නංගි , මේ මමද ??"

"ඔව් තමුසේ තමයි !! මොනවද ඔච්චර බලන්නේ ?? තමුසෙට වෙන වැඩ නැද්ද ?? තමුසේ හිතුවද මට තේරුනේ නෑ කියලා ? මොනා හරි නැති වුනාද මේක අස්සේ , ඔච්චර බලන්නේ???"

"නෑ නංගි , මම මේ බැලුවේ ජීවිතය තියෙනවද කියලා...."

"ජීවිතය ??? තමුසෙට මෝල්ද ඕයි??"

"ඇයි නංගි , නංගි අහල නැද්ද ජීවය තන අග පිණි බිඳකි කියලා??"


(සභාවේ සිනා)

Alternate Ending:

"චටාස් !!!!"  ( සභාවේ සිනා)

අහල නැති අයට මෙන්න :




සැ.යු : මෙහි සඳහන් tricks අත්හදා බැලීමට ගොස් කරගන්නා අවයව තලාගැනීම් වලට ගැබා වග නොකියන බව කරුණාවෙන් සලකන්න.

සැ.යු 2 : හුදෙක් විනෝදය සඳහා පමණි , බවලත් පාඨකයෝ මගෙන් ගේම එහෙම ඉල්ලනවා නෙමෙයි ඔන්න.

Awrudu Greetings From Sponge Bob and Patrick

නව වසරේ පලවෙනි post එක , සුභ අලුත් අවුරුද්දක් වේවා !




බොරු කියන්න ඕනේ නෑ වචන ටික copy කලේ මෙතනින් , photo idea එක මගේ. :)

Saturday, April 11, 2015

බලා සිටීම


මරණය කෝච්චියකි

ජීවිතය ඉස්ටේෂමකි

-ගැබා




ළඳුනේ

Strippers.. Pole dancers...

මේ වගේ වචන ඇහුවම ඔබට මැවෙන්නේ කොයි වගේ රූපයක්ද ?

සාමානයෙන් මේ වගේ කට්ටිය දිහා සමාජය  ( let`s admit it ) , මේ වගේ කට්ටිය දිහා අපි බලන්නේ වපර ඇසින්. 

හැබැයි මේ video එක දැක්කට පස්සේ සමහර විට ඔබේ ඒ අදහස් වෙනස් වේවි.

As men , or straight men at least , we get excited by the female form. This performance however , goes beyond merely showing  off the female body.You cannot deny the skill , fitness and commitment that goes in to such a creation.

I don`t know fuck about art , but this is art to me.


Background score - Tainted love by Marilyn Manson

Bridge to Terabithia


මහමෙරක් උස දුක්ක දොම්නස්
පිරුණු ලෝකෙන් පනින කහ ඉර,
රහමෙර...




ප . ලි -  Bridge to Terabithia

Friday, April 10, 2015

මලට කියන කවි

නිමිත්ත : අවුරුදු කටේ Msc assignment එකක් , පැවරුමක් , කිරීමට සිදුවීම නිසා , අවුරුදු party miss වීමේ මල අරබයා ගැබා විසින් ලියන්නට යෙදෙන ලදී..

වුරුදු අලුත් නුදුරෙන් සිට වනන අත
වුනු කරුමෙ නම් කියලා මට වැඩක් නැත
රුදාවක් නැතේ දැන් වෙහෙසන්න සිත
දුන් එක පැවරුමක් නම් හෙන වැඩේ කැත


රන එකත් අව්ලක් නෑ දමල මුසා
ටේක් home ජාතියෙ පැවරුමක් නිසා
පැන්නේ මල ඒ හින්දම නෙමෙයි බොසා
මනේ යයි පැවරුම් වැඩි වෙලා නිසා

රුදාවක් නිසා ඉපදුනු අපර කොනේ
(ම්ම්.. ඔව් , පුකේ අමාරුව නැත්තම් සල්ලි දීලා මෙහෙම කටු කයිද?)
දුක් විඳිනවා Msc කරල අනේ
n වර කියන්නම් අහපන් මගේ පනේ
නෙවර් happen this දුක to a සතුර වනේ

විලුණු ගිණි සිතේ කවියෙන් නිවාලනු
යින් යැන්ග් වගේ හොඳ නරකයි දෙකම ගනු
ද දාහතක් ඇත වරහන් පද ද ගනු
කෝකටත් කියා මුලකුරු ගලපගනු


ප.ලි : අන්තිම කවිය තේරුනේ නැති පින්වතුන් , සෑම කවියකම මුල කුරු කියවා , සැඟවුණු වචනය මතු කරගෙන වටිනා කුඩයක් දිනාගන්න :p




Wednesday, April 8, 2015

micro කවි #1

යමක්         පැතුවා

පලක්        නැතුවා

මලක්        එතුවා

කවක්        ගෙතුවා

- ගැබා



Tuesday, April 7, 2015

Suicide bombers

How do you wish happy birthday to a suicide bomber?

"Have a BLAST bro! "

*ba dum tst*

Mission Impossible : Nuwaraeliya

අද කතාව කියන්න යන්නේ campus එකේ මාගේ බොක්කේ fit එකක් වන මයිලා ගැනයි .
 ( සැ . යු - මයිලා යනු කතාවේ කතා නායකයා හැඳින්වීමට භාවිත කරන අනවර්ථ නාමයක් මිස , සැබෑ නාමයක් නොවන බව කරුණාවෙන් සලකන්න ).

campus එකේ එකට සිටි කොල්ලන්ගෙන් , මා හා වැඩියෙන්ම ඇරගන්නා , එනමුත් වැඩියෙන්ම fit පොරක් ලෙස මයිලා හැඳින්විය හැක.පාශ්වාත් භාගයේ රෝම කූප ඇත්තා යන අර්ථය දෙන මයිලා යන නම ලද මයිලාගේ , සැබවින්ම පුකේ මයිල් තිබේදැයි කියා මම බලන්නට නොගියත් , උගේ හිතේ නම් කිසිම කහටක් නැති බව මම හොඳාකාරව දනිමි.


කුඩා කල සිටම ප්‍රගුණ කල කොරියන් සටන් කලාවත් , මුල සිට අගට සිය වතාවක් පමණ නැරබූ Bruce Lee ගේ film පහත් නිසා දැඩි moral එකෙන් සිටි මයිලා , යකෙකුටවත් බය නැත. හොස්ස ලඟින් මැස්සෙක් වත් යාම නොරුස්සන හේ , තමාට පොඩි හෝ බයිටක් දැමූවෙකු සමග සටනට එළඹීමට කිසි විටෙකත් පසුබට නොවීය (මේ මාද ඇතුළුව ).මුහුණ පුරා වැවුණු රැවුලත් , හුස්ම හිර වෙන තරමට කිටි කිටියේ ඇඳි body fit ටී ෂර්ටයත් නිසා , මයිලා වෙතින් නිතැතින්ම දිස්වූයේ රෞද්‍ර පෙනුමකි. අයුක්තිය අසාධාරණය නොඉවසන මයිලා , කොයි වෙලාවෙත් dramatic වැඩ කරන නිසාත් , සැම විටම දමන නළු ad නිසාත් කොල්ලන් ඔහුට ආදරේට කියන්නේ "ගාමිණී ෆොන්සේකා" කියා ය. කොල්ලන් ආදරේට එසේ කීවත් , මයිලාට නම් මේ නම ඇසෙන විට මල පනී.


කෙසේ වෙතත් , කෙතරම් මරුසි තිබ්බත් , "මයිලා හෙන හදවතයා" යැයි කව්රුත් පිළිගත් කරුණකි. කොයි කාටත් කරදරයක් වූ විට , මුලින්ම සහයට එන්නේ ඔහුය.කොල්ලෙකුට අමාරුකමක් වූ විටක , තමා හැඳි body fit ටී ෂර්ටය වුවද  තෙල් ගා හෝ ගලවා දෙන තරමට හේ ත්‍යාගශීලීය. මිතුරන් සමග අපායට හෝ යාමට එක පයින් එන , නියම මිතුරෙකි මයිලා. මා පානාගේ මල ගෙදර ගොස් අසනීප වූ විට , පොඩි එකෙක් බලාගන්නා සේ මයිලා මා බලාගත් සැටි මට ලොවෙත් අමතක නොවේ.


මයිලා ගැන මෙම කතාව , මගේ බ්ලොගයේ දාන්නද යැයි මම ඔහුගෙන් විමසු විට , "උඹට පිස්සුද, පුතා? " යැයි හේ ආදරයෙන් මගෙන් විමසීය ( පුතා කියන එක මුලට, හුරු පුරුදු "හු" යන්නෙන් පටන් ගන්නා ස්ත්‍රී ලිංග විශේෂණ පදයක් දැමීමට ද ඔහු අමතක නොකළේය ).නමුත් මගේ බ්ලොගයටයි කියා ඇවිටිලි කල පසු , "ආහ උඹේ වැඩක් නේ , ඕනේ ***ක් කරගනින්" යැයි අවසර දුන්නේය. ( තරු ලකුණු යෙදුණු තැනට , හුරු පුරුදු "හු" යන්නෙන් පටන් ගන්නා නාම පදයක් දැමීමට ද ඔහු අමතක නොකළේය ). ඉතින් මයිලාගේ හිත හොඳ කම ගැන තව කවර කතාද ?


මයිලා ගැන පොතක් ලිවීමට තරම් කීමට කරුණු ඇතත් , අපේ කතාව කීමට ඇති නිසාත් , ඌ ගැන වැඩිය එක එක එව්වා කියා මට දෙක තලාගන්න බැරි නිසාත් , මයිලා ගැන වරුණ මින් pause කොට , කතාවට යොමු වෙමු.


මේ සිදුවීම සිදුවූයේ, campus එකේ අපි එකට සිටි කොල්ලන් set එක , එසේ නැත්තම් campus වහරින් කිවහොත් "ගැට්ට" , අපේ ප්‍රථම වාර්ෂික trip එක ගිය අවස්තාවේදීය.campus එකේ සිටි ගැටි අතරින් , ප්‍රමාණයෙන් විශාලම ගැට්ට වූයේ අපේ set එකය.කොල්ලන් 30කින් පමණකිනුත් , කෙල්ලන් 0 කින් පමණකිනුත් අපේ set එක සමන්විත විය. ( හිටපු උන්ගේ කැ* කම් සැවොම දන්නා නිසා , කෙල්ලන් අපේ සුසුම් පොදක් ගෑවෙන මානයට වත් ලං නොවූහ ). මාගේ set එකේ photo සහ ගෙදර යන එන set දකින අපේ තාත්තා , "ඇයි පුතා , උඹලාගේ set එකේ කෙල්ලෝ නැද්ද?" යයි කියා සැම විටම මගෙන් විමසයි. එවිට , "නෑ තාත්තේ ඉන්නවා,උන්ව ගෙවල් වලින් එවන්නේ නෑ නේ" කියා shape වීම මගේ සිරිතයි. නැත්තම් අසරණ තාත්තා දුක්වේවි පුතා කොලු subject එකේද කියා..


අපගේ ප්‍රථම trip එකට , ගමනාන්තය වශයෙන් අප තෝරාගත්තේ , සකල බෙබාලාගේ මහගෙදර වැනි නුවරඑලිය යයි. රාත්‍රී දෙකක් නුවරඑළියේ guest house එකක බීමෙන් ගත කිරීම අපේ සැලැස්ම විය.Trip එක යන අතරමග නොසැහෙන්න ආතල් සිදුවීම් වුනත් , ඒවා පැවසීම පසුවට කල් තබමි.කොහොමහරි බරියාගේ ( තවත් campus කොල්ලෙක් ) මාමාගේ ලදරම් බස් එකේ , ඇවිදිනා ගානට ගොසින් , යාන්තම් නුවරඑලියට ළඟාවූ අපි , එක රැයක් බීමෙන් ගත කොට , දෙවන සහ අවසාන රාත්‍රියද සර්ව රාත්‍රික බීමෙන් ගත කිරීමට සූදානම් වුනෙමු. 


"cheers" කියා වීදුරු හප්පා රාත්‍රී සාදය ආරම්භ විය.සුද්දන් සේ බීම ඇරඹුවත් , දෙක තුනක් නවාගත් පසු අපේ battalion එක , සතර මහ පෙරනිමිති සහ නලඟනන්ගේ විකාර යන දෙකේම සම්ප්‍රයුක්තය පෙන්නුම් කරන ජෝගි ගුහාවක වෙස් ගත්තේය.කොනක එකෙක් තව එකෙක්ට තෙල් ගසයි , එකෙක් කබර විලේ පිහිනයි , තව එකෙක් කඳුළු සලයි , තවත් එකෙක් වයින් කල හාවෙක් මෙන් වටේම පැන පැන යයි.බීගත් කල වැඩි කලබල නැති මම , පැත්තක ඇන තියාගෙන මේ සියලු විකාර බලාගෙන full මෝල් එකේ සිටියෙමි.



රාත්‍රිය ගතවිය.හෙමින් සීරුවේ එකා දෙන්නා down විය.හොඳ සිහියෙන් හිටි කීප දෙනාද එකා දෙන්නා බැගින් යහන් වලට ඇදෙති. නන්නා පෝල් වෙන්න වැදිලා සිටි මමද හෙමින් සීරුවේ යහන් ගබඩාව වෙත බඩගෑවෙමි.


අපගේ කතා නායක මයිලා නැවතත් කරලියට එන්නේ මේ අවස්ථාවේදීය.තරමක shot එකක් දාගෙන සිටි මයිලා , බඹර පදමින් මත්වී , තමාට උපතින්ම ආ adventure රසය සොයනු පිණිස mission එකක යාමට සැරසෙයි.මේ අවේලාවේ මූ තනියෙන් එලියට ගොස් කුමක් හෝ ජල්තරයක් පටලාගෙන ගම්වාසීන්ගෙන් මන්න පාරක් කාවි යයි බිය වූ අප , ඔහුට ඇතුලට වී සිටිනා ලෙසට දැඩි ලෙස ඇවිටිලි කළෙමු . ( අර විශේෂණ පද දාලා , "පුතේ" කියා ඇමතුවෙමු ).



කෙතරම් කීවත් නාහන මයිලා , තමා කෙසේ හෝ එලියට යන බවත් , තමාගේ පාර වැලකුවොත් එසේ කරන්නාට හිමි වන්නේ මරණය බවත් අවධාරණය කර සිටියේය.මයිලා නාහෙට නාහන ගිණි පුක් කාරයෙක් බව අප දන්නා නිසාත්, දම්වැල් දමාවත් ඔහු නැවතීමට නොහැකි නිසාත් , ඔහු සමග ගහගෙන දිනන්න අප හට ජින්තු නැති නිසාත්, "ඔන්න ඔහේ ගිහින් ඕනේ හු යන්නක් කරගනින්" කියා  අප ඔහුට එලියට යාමට අවසර දුන්නෙමු.


ඔහුගේ ආරක්ෂාවට , නොබොන පින්වතුන් දෙපලක් වන හාවා සහ යාවි , ඔහු සමග යාමට ඉදිරිපත් වුහ. බොන දන අතර ගැවසෙන නොබොන දන ගැන ගුණ කෙතරම් ගැන ගැන කීවත් මදිය. එවන් උතුම් පුරුෂයන් වැනුම පසුවට කල් තබමු. ජාතියේ පිනට පහල වූ නොබොන සත්පුරුෂයන් වූ හාවා සහ යාවි සමඟ , මයිලා ගමනේ පිටත් විය.

එතැන් සිට කතාව මා first person perspective එකක සිට නොදනිමි.කුඩුවෙන්න ගසා සිටි මා , කිරි කිරි බෝලේ සෙල්ලම් කරන්නාක් මෙන් කැරකි කැරකි ගොස් ඇඳට  වැටී නිදාගතිමි.මයිලාගේ වීර වික්‍රමය මා දැනගත්තේ , පසුදා උදේ අවදි වූ පසුවයි.

******************************************************

පෙරදා රාත්‍රියේ adventure එකකට එලියට බට මයිලාගේ master plan එක වී ඇත්තේ , දහවල් ඇවිදින්න ගිය විට දුටු , අප නැවතී සිටි ස්ථානයට නොදුරු ව පිහිටි දොඩම් වත්තකින් දොඩම් සොරකම් කිරීමයි.

මේ සිදුවීම සිදුවන කාලයේ , කරන තරමක් ගොන් වැඩ කරන වයසක පසුවූ අපි , මෙවැනි පොඩි පොඩි සොරකම් වලින් සැහෙන kick එකක් ලැබුවෙමු.දැන් ආපසු හැරී බලද්දී , අපි අන්‍යන්ට සැහෙන්න කරදරයක් වූ බවත් , කරපු වැඩේ පවක් බවත් තේරුනත් , එකල කල පොඩි පොඩි හොරකම් හුදෙක් කොලු කමට මිස කාටවත් අනර්ථයක් පතා කල දෑ නොවේ.

කෙසේ හෝ , පූසෙක් මෙන් agile මයිලා , හාවා සහ යාවි වත්තේ ගේට්ටුව ළඟ මුරට තබා , ගේට්ටුව කෙසේ හෝ විවෘත කරගෙන , "මල්ලිටයි මටයි ගෙඩි දෙකක් ඇති" කියා කියපු එකාට කුද ගහගන්න කියා ,දෝත පුරා දොඩම් නෙලාගෙන ,ඉඩම් හිමියාගේ දෑසට නතු නොවී , සාර්ථක ලෙස නැවතත් වත්තේ ගේට්ටුව ගාවට ජයග්‍රාහී ලෙස පැමිණීය.Mission Accomplished !

කුරුළු පැටවුන්ට කුරුළු අම්මා දොඩම්...sorry... පනුවන් කවන්නා මෙන් ආදරෙන් , තම සගයන්ට ගෙඩි ටික unload කල මයිලා , තම සූක්ෂම දෑතින් ගේට්ටුව නැවතත් තිබු පරිදිම වසා,සගයන් පෙරටු කොටගෙන නැවතත් guest house එකට ඒමට ජයග්‍රාහී ලෙස පිටත් විය.කාටවත් අසු නොවී තමා දුන් සුපිරි ගේම ගැන සතුටු වූ මයිලා , තම robbery හැකියාව ගැන හාවා සහ යාවිට උදම් අනමින් , නූතන Robbin Hood මෙන් අභිමානවත් ලීලාවෙන් ලැගුම් හල වෙත පිය නගයි.

ටික දුරක් තිදෙනා මෙලෙස ආහ, "දැන් ඉතින් හෙට උදේ මේකාගෙන් කනක් ඇහිලා ඉන්න වෙන්නේ නෑ , කරපු වැඩේ කියවයි" ඒ හාවා සහ යාවි.ලැගුම් හල දැන් ඇත්තේ පේන තෙක් මානයේය.

මේ මොකෝ ???එක පාරටම ඉද්ද ගැහුවා සේ කෙලින් වූ මයිලා , තමාගේ කෝෂ යුගලය දොඩම් වත්තේ අමතක කර ආවා මෙන් යමක් මතක් වී , එක්වරම වත්ත දෙසට ආපසු වේගයෙන් දුවයන්නට විය.

"ඕයි මයිලා.කොහෙද යන්නේ??"
"එනවා එනවා හාවා පොඩි scene එකක් අමතක වුනා නේ" දුවන ගමන්ම මයිලා පිළිතුරු දෙයි.

Usain Bolt ගේ වුවද nut ගැලවෙන වේගයෙන් දිවයන මයිලා නැවතීමට , අසරණ හාවා සහ යාවිට හැකියාවක් ලැබුනේ නැත , අතේ ඇති දොඩම් පලදාව නිසා හයියෙන් දුවන්නත් නොහැක.එකට ආපු එකා නිසා මයිලා තනි කිරීමටත් නොහැක. "කමක් නෑ , හෙමින් හෙමින් යමන්කෝ වත්ත පැත්තට" යයි කී හාවා , යාවි සමහ හෙමින් සීරුවේ දොඩම් වත්ත දෙසට පියමන් කළේය.

හාවා සහ යාවි දොඩම් වත්තට ලඟා වන විට , රෑ අඳුරෙන් සැඟවුණු මයිලාගේ චායාව, වත්තේ ගේට්ටුව අසල කුමක්දෝ ලොකු වැඩක.සඳ වලාකුලින් සැඟවුණු අඳුර නිසා එක වර හරියට නොපෙනුනත් , ටිකක් ලංවී බලන විට හාවා සහ යාවි දුටු ඒ බිහිසුණු දසුන කුමක්ද ???

තමාගේ කිටි කිටි body fit ටීෂර්ටය ගලවාගත් මයිලා , ෂර්ට් එකෙන් පන දාගෙන ගේට්ටුව පිහිදමයි !!

මයිලා දත් මිටි කාගෙන ගේට්ටුව මදින ස්වභාවයෙන් තැති ගත් හාවාගේ ඔලුවට එක එක විකාර පහල වෙන්නට විය.මහ රෑ ජාමේ එපා කියද්දී එලියට බට මූට , කඳුරට යකෙක් වත් ගැසුවාද ? එවැනි හොල්මන් කතා ඕනෑ තරම් හාවා අසා ඇත!

ප්‍රමාණයෙන් කුඩා වුවද , හාවා weight lifting ක්‍රීඩාවේ කෙල පැමිණි , ශක්තිමත් පුරුෂයෙකි.ඔහුගේ සහයක යාවිද , campus මල්ලව පොර කණ්ඩායමේ පොර අල්ලන පොර කුකුලෙකි.යක්කුත් ගේමක්ද මුන් දෙපලට!

සිතට දිරි උපදවාගත් හාවා , යක්කු කුණු හරුප කියන විට ඉන්නේ නැති නිසා , කෝකටත් කියා "හු** , මොකද්ද ඔය කරන්නේ" කියා මයිලාගෙන් විමසීය!

එක මොහොතකටවත් තම ව්‍යායාමය නතර නොකළ මයිලා , ගේට්ටුව පිහිදාන ගමන්ම මෙසේ කීය.

"යකෝ මම ඉස්සෙල්ලා ගේට්ටුව ඇරන් ඇතුලට යද්දී , මේ ගේට්ටුව අතින් ඇල්ලුවා!"

"ඉතින්??" ඒ හාවා.

" ඉතින් මගේ finger print තියෙනවා යකෝ මේකේ , මුන් ඒකෙන් මාව අල්ලයි , මම මේ finger print මකනවා යකෝ !!!!"


හද්දා පිටිසර නුවරඑළියේ දොඩම් ගොවියෙක් , තම වත්තට කඩා පැන දොඩම් ගෙඩි 10ක් 15ක් කැඩූ හොරා අල්ලන්ට, CSI එකෙන් ගෙන්වා finger print බලවාවී යයි බියවූ මයිලා , ඉන් ගැලවුනේ ඔහොමයි !





trip එකේදී ගත් විරල photo එකක්