Monday, July 8, 2019

උල්කාපාත වරුසාව

අද ( 2017 දෙසැම්බර් 13) උල්කාපාත වරුසාවක් තියෙනවා කියල ෆේස්බුකයා මතක් කරපු මේ පෝස්ට් එක දැකලා මට මතක් වුණා පැරණි මතකයක්.
1998 අවුරුද්දේ අපි පහ වසරේ ඉද්දී පැහැදිලිව නරඹන්න පුළුවන් විචිත්‍රවත් උල්කාපාත වරුසාවක් ඇති වුණා, ඉස්කෝලේ ටීචර් ද කොහෙද අපිට කිව්වා මේක ගැන පන්තියේදී. මටත් ඉතින් පොඩි කාලේ හෙන පුකේ අමාරුවක් තිබුණා ඔය තරු සීන් එක ගැන, ඒක නිසා මම එදා ඉස්කෝලේ ඇරිච්ච ගමන් ගෙදර දුවගෙන ගිහින් තාත්තට කිව්වා මේක ගැන.
"තාත්තේ තාත්තේ , හෙට පාන්දර උල්කාපාත වරුෂාවක් තියෙනවලු , උදේ 2ට 3ට විතර.. තාත්තා එනවද බලන්න?"
"ඔච්චර උදේ ඇහැරෙන්න මට බෑ , ඔයා ඇහැරිලා බලන්න!" තාත්තා මට කිව්වා.
මමත් ඉතින් කලින්ම කාල බීලා පාන්දර 2ටද කොහෙද එලාර්ම් එක තියාගෙන ඇහැරුණා. ඇහැරිලා කාමරේ ජනේලෙන් එලිය බල බල හිටියා වරුසාව පෙනෙයිද කියලා.. මොකෝ තනියම එලියට යන්න බයයි නේ කළුවරේ ! කොහොමහරි ටිකක් වෙලා බල බල හිටියා ජනේලෙන් , ම්හු.. කිසි දෙයක් හරියට පෙනුණේ නෑ..වැඩේ එපා වෙලා ආයෙත් බුදියගන්නව ද කියල හිත හිත ඉන්නකොටම , මගේ කාමරේ දොර ඇරගෙන තාත්තා ආවා ඇතුලට !
"මොකද ඔය කරන්නේ?"
"මම මේ උල්කාපාත වරුසාව බලනවා"
"කෝ පේනවද?"
"නෑ නේ තාත්තේ මුකුත් පෙන්නේ නෑ හරියට..."
"ඔහොම ඇතුලේ ඉඳන් බලල හරියන්නේ නෑ කොල්ලෝ, යමු එලියට!"
තාත්තයි මායි පුටු දෙකක් අරගෙන එලියට ගිහින් වාඩි වුණා.. දැන් මට හරි සතුටයි , මොකෝ තාත්තා ළඟ ඉන්නවනේ ! හැබැයි ඉතින් ඒ සතුට ආයෙත් ටික ටික අඩු වුණේ එහෙම බලන් හිටියත් මුකුත් පේන්න පටන් ගත්තේ නැතිකොට.. අපි දෙන්න එලියට වෙලා හතර අතේ උඩ බල බල පැය භාගයක් විතර ඉන්න ඇති. ම්හු.. මුකුත් නෑ..
ඔහොම ටික වෙලාවක් ඉන්නකොට අපේ සීයා අපිව දැකල එතනට ආවා.. සීයා සාමාන්‍යයෙන් උදේ පාන්දරම ඇහැරෙනවා.. ඇහැරුණු ගමන් එයා කරන්නේ රේඩියෝ එක අහන එක..
"මොකෝ මේ කරන්නේ දෙන්නත් එක්ක?"
"අපි මේ උල්කාපාත වරුසාව බලනවා" ඒ තාත්තා
"කෝ පේනවද?"
"තාම නම් මුකුත් නෑ වගේ" තාත්තා පත්තු කරන හිටපු සිගරට් එක විසි කරන ගමන් කිව්වා
"රේඩියෝ එකෙත් කියනවා මේක ගැන , මම අහ අහ හිටියේ.." සීයා කිව්වා
"ආහ් , තාත්තටත් පුටුවක් ගෙනත් දෙන්නද?" තාත්තා ඇහුවා
"හ්ම්ම්" සීයා කිව්වා
අපි තුන් දෙනාම පුටු තියාගෙන අහස දිහා බලන්න පටන් ගත්තා. "රේඩියෝ එකත් ගේමු" තාත්තා සීයාගේ කාමරේට ගිහින් රේඩියෝව ගෙනත් අපිට ඇහෙන මානයේ සෙට් කළා. අපි තුන් දෙනාම දැන් රේඩියෝ එකේ විස්තර විචාරය අහ අහ කඩන් වැටෙන උල්කාපාත හොයනවා.."උතුරු අහස බලන්න.. අර කොන බලන්න.. මේ කොන බලන්න" කිය කියා රේඩියෝ එකේ කියනවා.
ටිකෙන් ටික කඩාගෙන වැටෙන උල්කාපාත බින්දු එකෙන් එක පේන්න පටන් ගත්තා..
"අන්න අර අතන එකක් වැටෙනවා , අර ගහ උඩින් බලන්න.." තාත්තා මට මගහැරුණු සමහර ඒවා පෙන්නුවා..
"දැකපු උල්කාපාත ගාණ ගණන් කරගන්න, එතකොට හෙට ඉස්කෝලේ ගිහින් ඔයාට යාළුවන්ට කියන්න පුළුවන්නේ මෙච්චර දැක්කා කියලා.." තාත්තා එහෙම කියනකොට එයාගේ මූණේ හිනාවකුත් ඇදුනද මන්ද !
මමත් ඉතින් හෙන ගැම්මෙන් ගණන් කලේ හෙට ඉස්කෝලේ ගිහින් යාලුවන්ට ලොකු එක දෙන්න පුළුවන් නේ කියන එක හිතේ තියාගෙන.. හැබැයි ටික වෙලාවකින් මට ගාණ වැරදුණා මොකෝ පාන්දර වෙන්න වෙන්න වරුසාවක් වගේ උල්කාපාත සිය ගණනක් අහසෙන් බිමට වැටෙන්න පටන් ගත්තා!
ඒක හරිම ලස්සන දර්ශනයක්!
********************************
අද වෙනකොට කාමරේ ඇතුලේ ඉඳන්ම රොකට් එකේ නැගල සඳ තරු ඔක්කොම බලන්න හුරු වෙලා ඉන්න නිසාත් , චූ බරක් හැදුනොත් මිසක රෑ වෙලා එලියට නොබහින නිසාත් , මට අහසත් එක්ක තිබ්බ සම්බන්ධතාවය ගොඩක් අඩු වෙලා තියෙන්නේ. අද තියෙන වරුසාවත් මම ගොඩක් වෙලාවට බලන එකක් නෑ. නමුත් උල්කාපාත වරුසාවක් කියපු ගමන්ම මට මතක් වෙන්නේ ඔය සොඳුරු මතකය :)

Image may contain: text

Friday, July 5, 2019

ගැබාගේ ඩේලි ලයිෆ් එකෙන් බිඳක් - පරිසරය සුරැකීම

නිකන් ඉන්න එකේ මගේ එදිනෙදා ජීවිතයේ වෙන දේවල් මේකට ලියන්න හිතුනා, බිකෝස් අයිම් ඇන් ඇටෙන්ෂන් හෝර්. මේ ඊයේ වුනු දෙයක්.

මේ දවස් වල මම දවල්ට කන්නේ සැලඩ් ( ඔව් උඹලට ඇහුන දේ හරි ) . ඉස්සර ආලවකයා වගේ ගම් නියම් ගම් පිටින් ගිල දාපු මම මේ  වගේ වෙනසකට යොමු වුණේ මගේ බර කිලෝ 105කුත් වෙන්න ආපු නිසාත් , බස් එකට පන්නිපිටියෙන් දුවල නැග්ගම කොටුව වෙනකන්ම හති නිසාත් , හස්ත කරුමාන්තය හැරුණු කොට ඇඟට වෙන වියායාමයක් නැති නිසාත් තමයි.

මම සැලඩ් එක ගන්නේ හයිඩ් පාර්ක් ආර්පිකෝ එකෙන් , ඒක තමයි මම හිතන විදියට මුළු කොළඹම අඩු මිලකට සැලඩ් එකක් තියෙන එකම තැන. රුපියල් දෙසීයයි. අනිත් තැන් වල 500 600 1000 ත් වෙනවා. ( කව්රු හරි ඉන්නවනම් සහන මිලට healthy කෑම බිස්නස් එකක් කරන්න පුළුවන් ඔන්න හොඳ අවස්තාවක් තියෙනවා ).

හරි මම කිය කිය හිටියා වගේ මම ඊයෙත් සුපුරුදු පරිදි ආර්පිකෝ එකට ගියා , ඊයේ ටිකක් පරක්කු වෙලා ගියේ වැඩ වගයක් තිබුණු නිසා. යනකොට එතන කැරි සෙනග. මමත් ඉතින් පෝලිම පනින්නේ නැතුව මගේ වාරය එනකන් හෙන වෙලාවක් බලාගෙන ඉඳලා මගේ සැලඩ් එක දාගත්තා. ආර්පිකෝ එකේ සැලඩ් දාලා දෙන්නේ පොඩි ප්ලාස්ටික් කෝප්පයකට. කට පිරෙන්නම සැලඩ් දාලා මූඩිය ලෝක අමාරුවෙන් තද කරන සැලඩ් බාර් එකේ මල්ලි , වැඩි හොඳට ඒ ප්ලාස්ටික් කෝප්පේ  ෂොපින් බෑග් එකකටත් දාලා තමයි සාමාන්‍යයෙන් අපේ අතට දෙන්නේ. මමත් සාමාන්‍යයෙන් ෂොපින් බෑග් එකත් එක්කම තමයි සැලඩ් එක ගන්නේ , හැබැයි මේ කියන දවසේ මට හිතුනා හොඳ පුරවැසියෙක් වශයෙන් පරිසරය සුරැකීම මගේ වගකීමක් නිසා මේ ෂොපින් බෑග් එක එපා කියන්න. මොකෝ අපි පාවිච්චි කරන එක පුංචි ෂොපින් බෑග් එකක් වුණත් මේ රට තවත් මීතොටමුල්ලක් කරන්න දායක වෙන නිසා.

ඒක නිසා සැලඩ් බාර් එකේ මල්ලි ෂොපින් බෑග් රෝලෙන් බෑග් එකක් කඩලා ගන්න හදනකොටම මම රජිනිකාන්ත් වගේ අත දික් කරලා

"මල්ලි!!!"

කියලා 

ගාමිණී ෆොන්සේකා වගේ 

"එපා..." කිව්වා...

මල්ලිත් "අයියා ඔයා.. මයි හීරෝ....." කියන්න වගේ මගේ දිහන් බලන් හිටියා..

මම කෝප්පේ උගේ අතින් අරගෙන කව්බෝයි කෙනෙක් වගේ උට පොඩි නොඩ් එකකුත් දීලා තමයි එතනින් ආවේ..

ෂොපින් බෑග් එක එපා කියපු කුසල කර්මයෙන් ප්‍රීති සිත් පහල කරගෙන මම ආර්පිකෝ එකේ ඉඳන් ආපහු ඔෆිස් එක පැත්තට ඇවිදගෙන ආවේ හෙන චූන් එකේ . හරියට නිකන් අර රතු හැට්ටකාරී ආච්චිට කෑම බාස්කට් එක අරගෙන කැලේ මැදින් උඩ පැන පැන දෙපැත්තට වැනි වැනි ගියා වගේ මමත් සැලඩ් කෝප්පේ වන වන ඔන්න දැන් එනවා. වෙනදට මම මේ ටික ඇවිදින්නේ ඒ වෙලාවට ගිණි බෝලයක් වගේ රත්වෙලා අපිව පුච්චන ඉරේ අම්මවත් මතක් කර කර. ඒත් පරිසරේ බේරගන්න මම කරපු පුංචි වුණත් ඒ උතුම් දායකත්වේ නිසා මට අද කිසිම අව්වක් දැනුනේ නෑ.

ඉතින් මම ඔහොම රතු හැට්ටකාරී සීන් එකේ උඩ පැන පැන සැලඩ් එකත් අරන් යනකොට මගේ ඉස්සරහින් පාරේ කෙල්ලෙක් එනවා වන වන දෙපැත්තට. මම ඉතින් ඒකි දිහා වැඩිය බලන්න ගියේ නෑ මොකෝ මගේ හිත පරිසරය ආරක්ෂා කරපු සතුටින් පිරිලා ඉතිරිලා ගිහිං තිබුණු නිසා නැතුව මගේ වලත්තකමේ අඩුවක් වෙලා හෙම නෙමෙයි හාහ්. මම ඒ ගෑණි දිහා වැඩිය ෆෝකස් කරන්නේ නැතුව අනිත් පැත්ත බලාගෙන ගියේ මට නුදුරින්ම පාර පනින්න තිබ්බ නිසා.. ඒක තමයි මම කරපු ලොකුම වැරැද්ද..

මේ ගෑණි බුල්ඩෝසරේ වගේ ඇවිත් මගේ ඇගේ හැපුණා කියහන්කෝ "දොහ්" ගාලා ! "හුක්.." කියලා මගේ කටින් සුපුරුදු වචනේ පැන්නා.. ඒත් එක්කම මගේ අතේ තිබ්බ සැලඩ් එක මගේ අතින් ගිලිහිලා "රූං...." ගාලා අවකාශය හරහා විසික් වෙලා ගිහිං බිම වැටුණා! මේ ඔක්කොම මට පෙන්නේ දැන් ස්ලෝව් මෝෂන් වලින්.. ස්ලෝව් මෝෂන් වලින් බිමට වැටිච්ච සැලඩ් කෝප්පේ මූඩිය බිම වැටිච්ච පාරට ගැලවිලා විසික් වුණා.. හෙමී...ට කට වෙනකන්ම තද වෙලා තිබ්බ චිකන් සැලඩ් එකෙන් බාගයක්ම මල ජරා පේමන්ට් එක උඩට හැලුණා...

"ඇ...ස්...පේ...න්...නේ...නැ...ද්...ද..හුත්..."  "..තියේ.." කියලා මම ස්ලෝව් මෝෂන් වලින් කැගැහුවත් ඒ වෙනකොට මාව හප්පපු නපුරු වෘක ගෑණි මීටර් ගානක්ම එහාට ගිහිං ඉවරයි ! අම්මපා ඒ වෙලාවේ මම සැලඩ් එකේ සිහියෙන් හිටියේ නැත්තම් ඔකිගේ බෙල්ල මිරිකනවා මම ! ඇයි යකෝ මම කැරි අව්වේ කිලෝමීටරයක් විතර පයින් ගිහිං , හැට පැයක් පෝලිමේ ඉඳලා , කොත්තු රයිස් කන්න තිබ්බ සල්ලි වලින් මේ රෙද්දේ සැලඩ් එකක් දාගෙන , ඒ ඔක්කොටොම වඩා  පරිසරේ සුරකින්න හිතාගෙන ෂොපින් බෑග් එකකුත් එපා කියලා ආයෙත් අව්වෙම එනකොට මේ හුත්ති ඇවිත් මාව ටයිටැනික් එක වගේ හප්පන් ගියාම හරියනවද !  මගේ සැලඩ් එක වට්ටපු පාපයෙන් ඕකි ලබන ආත්මේ කැරි බතලියක් වෙලා ඉපදෙන්න ඕනේ කියලා මම සාප කළා ඒ වෙලාවේම ! ඔකිගේ ස්කන්ධය වැඩි වෙලා වැඩි වෙලා නියුට්‍රෝන් ස්ටාර් එකක් හරි කළු කුහරයක් හරි වෙලා යන්න ඕනේ ලබන ආත්මේ ! පරිසරේටත් හිකවිලා ගියා දෙන් අම්මට හුකන පරිසරේ ! ආයේ නම් මීතොටමුල්ල නෙමෙයි එවරස්ට් කන්ද උසට කුණු කඳු මේ රටේ හැදුනත් මම නෙමෙයි ෂොපින් බෑග් එපා කියන්නේ !

"ඊළඟ පාර ගෙදරින් පෝර උරයක් ගේනවා මම සැලඩ් කෝප්පේ දාගෙන යන්න" කියල හිතමින් මම ආපහු ඔෆිස් එකට ආවා කඳුළු පිහිදාගෙන.. හුත්තේ පරිසරේ සුරකින්න ගියාට මට හොඳ වැඩේ.

Image result for fuck the earth

Tuesday, July 2, 2019

සරම

මේ දවස් ටිකේ මගේ කතා මෝල් එක ෆෝර්ම් වෙලා තියෙන එකේ අපේ කොල්ලෝ සෙට් එක ගැන තව කතාවක් කියන්න හිතුනා. මේක අපේ කැම්පස් සෙට් එකත් එක්ක වෙච්ච සිද්ධියක්.
මීට අවුරුදු පහකට විතර කලින් අපේ කැම්පස් එකේ “අයිස්ලන්ඩ්” සෙට් එක ට්රිප් එකක් යන්න තීරණේ කළා. “අයිස්ලන්ඩ්” කියන්නේ අපේ කොල්ලෝ සෙට් එකට අපි දාගත්ත නම. කැම්පස් යන කාලේ වැරදිලාවත් ලෙක්චර් එකක් පැත්ත පළාතේ නොගිහින් අයිස් ගගහා හිටපු නිසා තමයි මේ නම අපි අපිටම දාගත්තේ. සුළු පටු සෙට් එකක් නෙමෙයි මේ සෙට් එකේ හිටියා කොල්ලෝ 20ක් 30ක් විතර. ඉතින් අපි ට්රිප් ගියේ පොඩි බස් වල, වෑන් එකක් මදි.
ඔන්න ඉතින් මේ පාර ට්රිප් එක යන්න තීරණය කලේ වෙනකොහෙටවත් නෙමෙයි නුවරඑලියට. අපි ගිහින් නැවතුණේ බැංකුවේ හොලිඩේ බංගලාවක. අපේ සෙට් එකේ චුයියා ගේ තාත්තා බැංකුවේ වැඩ කරපු නිසා අපිට ඒක ලාබෙට හම්බුනා. අපරාදේ කියන්න බෑ ගෙවපු ගානේ හැටියට සුපිරි පොට් එක. පාට පාට ලයිට් දාලා , පොඩි බාර් එකක් එහෙම ලස්සනට හදලා , බොන්න කියාපු තැන!
අපිත් ඉතින් පලවෙනි දවසේ රාත්රී බීමට පෙර බයිට් එකට ගන්නත් එක්ක පොඩි බාබකියු පාරක් දාන්න තීරණේ කළා. අපි කව්රුත් ඊට කලින් බාබකූ දාලා තිබ්බේ නෑ. හැබැයි අපි හිතුවේ වැඩේ වැඩි අමාරුවක් වෙන එකක් නෑ කියලා.. මොන ! අඟුරු ටික අවුලොගන්නම හැට පැයක් ගියා ! මම කිව්වනේ අපි කවුරුත් මීට කලින් බාබකූ දාලා තිබ්බේ නෑ කියල, හැබැයි බාබකු සාත්තරේ තැපෑලෙන් ඉගෙන ගත්ත කවුරු හරි අපේ සෙට් එකේ එකෙක් කිව්වා මුලින්ම පොල් කටු අඟුරු හදලා ඒකෙන් තමයි චාකොල් එක අවුලෝගන්න ඕනේ කියලා. අපිත් ඉතින් නුවරඑළියේ හීතල එළිමහනේ, පොල් කටු අඟුරු උදුන උඩ අතුරලා , ඊට උඩින් චාකොල් දාලා හුලන් ගැහුවා පුක ඉරාන.. ගහනවා ගහනවා පැය දෙකක් විතර හුලන් ගහනවා... අපේ හුලන් ගැහිල්ලට ඇවිලෙන ගිණි දළු තත්පරයක් දෙකක් අපිට පෙන්න ඇවිලිලා අපි “හුරේ” ගාලා උඩ පැනලා පහ දාලා සතුට සමරනකොටම නිවිලා යනවා! අපි ඉතින් එකිනෙකා බදාගෙන අඩලා ආයෙත් මාරුවෙන් මාරුවට හුලන් ගහන්න ගන්නවා.. දහය වසරේ ඉස්කෝලේ ස්පෝට් මීට් කාලෙට පිට්ටනියට වෙලා කෙල්ලන්ගේ ගවුම් හුළඟට උඩ යනකන් බලන් හිටියට පස්සේ එදා තමයි මම හුළඟක් එනකන් මෙච්චර බලාපොරොත්තුවෙන් හිටපු එකම දවස!
කොහොමෙන් කොහොමහරි අපි හුලන් ගහලා ගහලා ගින්න අවුලොගත්තා කියමුකෝ.. මම හිතන්නේ මුලින්ම ගින්දර හොයාගත්ත ආදී මානවයටවත් එන්නේ නැතුව ඇති එච්චර සතුටක් ගින්න ඇවිලෙන්න පටන් ගත්තම.. අපිත් ඉතින් ශේප් එකේ මස් කෑලි එකෙන් එක පුච්චන්න ගත්තා..
“ඒ තව චාකොල් ටිකක් දාහන්..”
එකෙක් චාකොල් ගෝනියට අත දාලා අඟුරු කැට අහුරක් ගත්තා..
“ඒ.. මේ මොකද්ද බං මේ කපුරු කැටයක් වගේ එකක් තියෙන්නේ මේකේ??”
ඌ අඟුරු අහුරත් එක්ක අහුවෙලා අතට ආපු මොකද්ද මන්දා කැටයක් වගේ එකක් පෙන්නුවා...
“කෝ මෙහෙ දීයන් බලන්න..” අපි උගේ අතින් කැටේ අරගෙන ඒකෙ ගහලා තිබ්බ ලේබලේ කියෙව්වා..
ඒක කියෙව්වට පස්සේ තමයි යාලුවේ අපිටත් ගින්නට පැනලා මැරෙන්න හිතුනේ !
ඒකෙ සිංහලෙන්ම ගහලා තිබ්බා ලොකුවට “Fire Starter” කියලා !!!!
අපි ඔලුවේ ඉසකේ ඇදගෙන ගලෝගෙන ඒවා කන ගමන් හොටු පෙර පෙර ඇඩුවා දුකටත් එක්ක...
***********************************************
කොහොමහරි ඉතින් දාහක් දුක් විඳලා හරි අපි මස් ටික පුච්චගත්තා. හැබැයි අපේ කොල්ලන්ට වැඩිය මස් කන්න හම්බවුනේ නෑ මොකෝ බාබකු සෙක්ෂන් එකේ වැඩට දාලා හිටියේ මම ඇතුළු කැරි බඩජාරියෝ සෙට් එකක් ! අපි ඉතින් කාපු කට්ටටත් හිලව් වෙන්න කියලා බාන බාන මස් කෑලි වලින් සීයට හැත්තෑවක් විතර හොරෙන් කෑවා .
මස් ටික පුච්චගෙන ඉවර වෙලා අපි රාත්රී ප්රිය සලාදය පටන් ගත්තා.. මම කිව්වේ අපි හිටපු තැන ලස්සන පොඩි බාර් එකක් තිබ්බා කියලා.. ඒක නිසා එතන බොන එක අමුතුම ආතල් අත්දැකීමක් වුණා ( මම එතන ගහපු ගති පොටෝ එකක් පහල තියෙනවා 😎 ).

Image may contain: Rakitha Chandula Dharmasena, sitting and indoor

එදා හැබැයි මම වැඩිය රෑ වෙනකන් බිව්වේ නෑ.. කලින් නිදාගන්න ගියා.. ඇඟේ මහන්සියට හලෝ වෙන මොකටවත් නෙමෙයි ahahahaha  . ඇත්තටම කිව්වොත් මම කලින්ම සළු වුණා..මම කොහොමත් වැඩිය බොන්න පුළුවන් එකෙක් නෙමෙයි.. අපේ කොල්ලෝ ටික මාව ඇඳකට දාලා මගේ එහා පැත්තේ ඇඳට සෙට් වුනේ අබ්දුල් මලික් ශාලී හෙවත් ශෑලියා.. ඌ හාල්ෆ් මැලේ මාත් හාල්ෆ් මැලේ ඒක හින්ද ද මන්දා අපි දෙන්නා බොක්ක..
ශෑලියා කියන්නේ එච්චර ලොකු ඇඟ පතක් තිබ්බ කොල්ලෙක් නෙමෙයි.. ඌ පොඩි මිනිහා.. මම ඉතින් ඒ කාලෙත් දැන් වගේ තමයි.. අලියෙක් වගේ සයිස් කිලෝ සීයට කිට්ටු වෙන්න බර ! මගෙයි උගෙයි සයිස් දෙක ගැන රෆ් එස්ටිමෙට් එකක් දෙන්න උපමාවක් කිව්වොත් , මම කිඹුලා ටී ෂර්ට් එකක් ඇඳපු මිනිහෙක් නම් ඌ තමයි මගේ අතේ ගහල ඉන්න කිඹුලා !
මම එක පාරට රෑ දෙගොඩහ ජාමේ ඇහැරිලා කබරයා දාන්න..( මට මීටර් නෑ මම මේ ශෑලියා කියපුවා කියන්නේ ). මම ඉතින් එහෙම්ම වෙරි මාර ගාතේ උගේ ඇඟ උඩින් රෝල් වෙලා ගිහිල්ලා හරියට නිකන් පාර තලන ගල් රෝලක් ගියා වගේ ! ශෑලියා නිකන් ලේලන්ඩ් බස් එකට අහුවෙච්ච කොස් ඇටේ වගේ “හුක්” ගාලා තැලිලා ඇහැරිලා ! ඌ ඒ තැලිච්ච තැලිල්ලට බය වෙච්ච පාරට අපේ ඇඳෙන් වහාම අස් වෙලා ගිහින් බිම නිදාගෙන.. ඔන්න ඔහොමයි අපි සිංහල මුස්ලිම් සහජීවනේ ඇති කලේ ! 😊
හරි දැන් මේ පෝස්ට් එකේ ටයිටල් එක දැම්මේ “සරම” කියලනේ.. දැන් ඔයාලා බලනවා ඇති කෝ මේ කතාවේ සරමක් නෑ නේ කියලා.. සරමේ සිද්දිය කියලා පෝස්ට් එක නිමා කරන්නම්..
ඔන්න ඉතින් එදා රෑ මම කලින් ක්රීඩාගාරයට ගිහින් ශෑලියාගේ පිච් එක තැලුවට අපේ අනිත් උන් රෑ වෙනකන් බිබී තමයි ඉඳල තියෙන්නේ.. අපේ සෙට් එකේ ඉන්න ප්රධානම චරිතයක් තමයි අපි කාගේත් සුරතලා සහ හිතවතා වන ඩොටා.. ඌ ගැන මෙහෙම කියලා හරියන්නේ නෑ හිටහන් අලුත් ඡේදෙකින් පටන් ගන්න.
අපේ සෙට් එකේ ඉන්න ප්රධානම චරිතයක් තමයි අපි කාගේත් සුරතලා සහ හිතවතා වන ඩොටා.. අපි කව්රුත් උට ආදරේට කිව්වේ “ගෝරිල්ලා” කියලා.. එච්චරට හුරුබුහුටි කොලු පොඩ්ඩ වැඩිය නෑ අඩි හයාමාරක් විතර උසයි ටොන් දෙකක් විතර බර ඇති ! කින්ග් කොන්ග් ගේ ඉස්පිරිතාලේදී නැති වෙච්ච නිවුන් සහෝදරයා වගේ .
ඩොටා ගැන කතා කියනවනම් පොතක් ලියත හැකි , එච්චරට ආතල් බුවා. කොහොමහරි මේ කියන දවසේ අපේ නොසන්ඩාල කොල්ලෝ රැල මේ අහිංසක ඩොටා ට කෝචෝක් එකට මුගේ සරම ගලෝලා හංගලා ! මට කියන්න අමතක වුණා නේ , ඩොටත් ඇවිත් කුඩු වෙන්න ගහන එකෙක් තමයි.. ඒ නැතත් ඉතින් අපිට කොහොමත් ලජ්ජා බයක් නෑ නේ.. ඉතින් සරම ගැලෙව්වා කියලා ලොකු අව්ලක් නෑ කාටවත්..
කොහොමහරි ඔන්න ඉතින් දැන් නිදාගන්න වෙලාවත් ලංවෙලා.. කොල්ලෝ ටික ඩොටාගේ හංගපු සරම ආයෙත් ගෙනල්ල දුන්නලු “ආ ඇඳගනින්” කියලා.. එතකොට තමයි ඔන්න පට්ටම සීන් එක වෙලා තියෙන්නේ..
මම කලින් කිව්වනේ අපි බීපු තැන පාට පාට ලයිට් දාලා තිබ්බේ කියලා.. නිල් පාට වගේ ලයිට් එකකින් කාමරේ කොටසක් වැහිලා තිබ්බේ.. මම මේ කියන සෙටින්ග් එක ගැන හොඳ අදහසක් ගන්න මේ පහලින් ඇති පොටෝ එක බලනු මැනවි.. 
Image may contain: one or more people and indoor

ඉතින් ඔය වගේ එළියක් තමයි අපි බීපු කාමරේ කොටසක තිබ්බේ.. ඔය කියන නිල් පාට කොටසට ඇවිත් කොල්ලෙක් ඩොටා ට සරම දුන්න ලු.. .

ඩොටා බීලා පුකනාස් වෙන්න..
කොල්ලා : “ඒ ඩොටා මේ සරම ගනින්..”
ඩොටා : “ඔය මගේ සරම නෙමෙයි”
කොල්ලා : “මේ තොගේ සරම තමයි යකෝ මේක ගනින්, තොගේ බිජ්ජ දැකලම එපා වෙලා අපිට දැන්..”
ඩොටා : “ඔය මගේ සරම නෙමෙයි යකු...”
කොල්ලා : (මල පැන) “මේ තොගේ සරම තමයි හු*තෝ ගනින් මේක !”
ඩොටා : (also මල පැන) “ඔය මගේ සරම නෙමෙයි!!!!!!!!!”
මූ දැන් මේ සරම උගේ නෙමෙයිම කියනවලු කොච්චර කිව්වත්...
කොල්ලා : ( වික්ෂිප්ත වී ) “ඇයි මේක උඹේ නෙමෙයි කියන්නේ???”
එතකොට තමයි ඩොටා දවසේ කතාව කිව්වේ..
“මගේ සරම දුඹුරු පාටයි.. මේක නිල් පාටයි.. මේක මගේ සරම නෙමෙයි!!!!”
ඩොටා ඇඳන් ආපු සරම දුඹුරු පාට එකක්.. දැන් උගේ සරම ගලවන වෙලාවේ උට වැදිලා තිබ්බේ නෑ නේ.. ඉතින් උගේ ඔලුවේ තියෙන්නේ සරම දුඹුරු පාටයි කියලා.. හැබැයි දැන් මුට සරම පෙන්නේ නිල් පාටට අර ලයිට් එක නිසා.. ඒක නිසා මූ පිළිගන්නේ නෑ මේ උගේ සරමමයි කියලා !!
කොහොමහරි ඕකට අපි පහුවදා හිනා වෙච්ච තරමට නුවරඑලිය ටවුම අඩි පහක් විතර පොළොවට ගිලා බැස්සා කියල තමයි පත්තරේ තිබ්බේ!

Friday, June 21, 2019

A Prayer Before Dawn : මා බැලූ චිත්‍රපට

මම කීප වතාවක්ම කියලා තියෙනවා මම එහෙම ලොකුවට චිත්‍රපට බලන මිනිහෙක් නෙමෙයි. අවුරුද්දටම ෆිලුම් පහක් බලයි ඕනේ නම්. ඒත් නිකන් ආතල් ඒකට වගේ මට හිතුනා මම බලන ෆිලුම් ගැන පොඩි සටහන් තියන්න. මේවා විචාර නම් නෙමෙයි. පොඩි සටහන් විතරයි , කැමති කෙනෙක්ට කියවලා ආස නම් ෆිලුම බලන්න පුළුවන් වෙන්න වගේ. ඒ නිසාම මේ සටහන මම 100% SPOILER FREE තියනවා.

හරි එහෙනම් දැන් මම කියන්න යන්නේ මම මෑත කාලෙක බලපු ෆිලුම් වලින් මට සුපිරියටම සෙට් වෙච්ච හොඳම එක ගැන , ඒ තමයි A Prayer Before Dawn,





මේ ෆිලුම මට සෙට් වුණේ යුටියුබ් සජෙෂන් එකකින්. මෙය නිෂ්පාදනය කරලා තියෙන්නේ සුප්‍රකට A24 නිෂ්පාදන සමාගමෙන් , A24 ගැන වෙනම සටහනකින් කතා කරන්න බලාපොරොත්තු වෙනවා. උනුත් කතා කරන්න වටින සමාගමක්. අදට ෆිලුම ගැන විතරක් කියන්නම්.

කතාවේ ප්‍රස්තුතය SPOILERS නැතුව කිව්වොත්, බිලී කියන්නේ තායිලන්තයේ ජීවත් වෙන එංගලන්ත ජාතිකයෙක්. ඔහු මත්ද්‍රව්‍ය විකුණලා ජීවත් වෙන අතර තමන්ගේ passion එක විදියට බොක්සින් ක්‍රීඩාවේ නියැලෙනවා. සටන් කිරීම තමයි ඔහුගේ passion එක. ඔහුට දරුණු මත්ද්‍රව්‍ය ඇබ්බැහියකුත් තියෙනවා , කොටින්ම සටනකට යන්න කලිනුත් ඔහු ක්‍රැක් පාරක් ගහලා යන්නේ. කොහොමහරි එක දවසක් බිලීගේ ගෙදරට පොලිසියෙන් පැනලා ඔහුව සිර බාරයට පත් වෙනවා මත්ද්‍රව්‍ය විකිණීමේ වරදට. ඔතනින් තමයි කතාව ඇත්තටම පටන් ගන්නේ. ඔහුව සිරකරන්නේ බැංකොක් වල කුප්‍රකට හිර ගෙදරක , කුප්‍රකටයි කිව්වේ ඒ හිරේ තියෙන දරුණු කම නිසා. හිරේ පුරෝලා ඉන්නේ ඇඟ පුරාම පච්ච කොටා ගත්තු දරුණු තායි අපරාධකාරයෝ. ඒ මදිවට බිලීට තායි භාෂාවත් බෑ. ඉතින් ඒක නිසා ඔහුගේ හිරගෙදර ජීවිතය ඉතාමත්ම අමාරු එකක් වෙනවා.කොටින්ම අපායක් වෙනවා. ඔහොම ඉන්න අතරේ බිලීට ආරංචි වෙනවා හිරගෙදර muay thai සටන් කණ්ඩායමක් තියෙන බව. මේකට ජොයින් වෙන හිරකාරයන්ට වෙනත් හිරගෙවල් එක්ක සටන් තරඟාවලි වලට සහභාගී වෙන්න වගේම සාමාන්‍ය හිරකාරයන්ට වඩා හොඳට කන්න බොන්න සහ ඉඩකඩ තියෙන සෙල් එකක් ලැබෙනවා. ඉතින් බිලී මේ muay thai කණ්ඩායමට එකතු වෙන්න දරණ මහන්සිය එක්ක තමයි කතාව ඉතැනින් එහාට යන්නේ. ඉතුරු ටික කතාව බලලම බලාගන්නකෝ නැත්තම් SPOIL වෙනවා.

මේ කතාව පදනම් වෙලා තියෙන්නේ ඇත්ත චරිතයක් මත , ඒ කියන්නේ සිරාවටම බිලි කෙනෙක් ඉඳලා තියෙනවා. මේ  පහලින් තියෙන්නේ මිනිහා එක්ක කරපු ඉන්ටර්වියුව් එකක්. අවවාදයයි ! ෆිලුම බලන්න හිතන් ඉන්නවනම් මේ ඉන්ටර්වියුව් එක කියවන්න එපා මොකෝ මේකේ ස්පොයිලර්ස් තියෙනවා.

http://www.historyvshollywood.com/reelfaces/a-prayer-before-dawn/


ඒ වගේම ඔය තායි හිර ගෙවල් වල සිරාවටම ඔය ෆිලුමේ පෙන්නන විදියට muay thai සටන් තරඟ තියෙනවා. මේ තියෙන්නේ කාලෙකට කලින් VICE චැනලය විසින් ඒ ගැන කරපු කෙටි වීඩියෝවක්.






මම පටන් ගන්නකොට කිව්වා වගේ මම මේ ගැන ලොකුවට කතා කරන්නේ නෑ. ඉතාමත්ම කෙටි සටහනක් ෆිලුම ගැන තිබ්බොත් , මේ චිත්‍රපටය හෙනම realistic එකක් කිව්වොත් හරි. විදේශිකයෙක් තමන්ගේ රටෙන් ගව් ගානක් ඈත නොදන්නා රටක තනි වෙලා , යාළුවො එකෙක්වත් නැතුව , භාෂාව දන්නෙවත් නැතුව , හිර ගෙදරක කොටු වෙලා විඳින දුක ගැන මේකේ හොඳටම පෙන්නලා තියෙනවා. මේකේ ට්‍රේලර් එක බැලුවම මේක මාර්ෂල් ආට්ස් චිත්‍රපටියක් නැත්තම් ගමේ බාසාවෙන් කියන විදියට කරාටි ෆිල්ම් එකක් කියලා හිතුනට මේක ඇත්තටම කරාටි ක්‍රියාදාම චිත්‍රපටයක් නොවේ ! මේක ඇවිත් drama එකක්. මේක ටිකක් බලන් ඉන්න අමාරු drama එකක් කියලා ගොඩක් අය කියලා තියෙනව මම දැක්කා ඒත් මට නම් මේක ඉතාමත්ම රසවත් වුනා.

මේකේ මට ආස හිතුන දේවල් කිව්වොත්, මේ චිත්‍රපටයේ දෙබස් භාවිතය අපූරුයි. අපූරුයි කිව්වේ දෙබස් තේරෙන්නේ නැති නිසා ! දැන් ඔබ බලයි මොන රෙද්දක් ද මේ කියන්නේ කියලා. මම අදහස් කලේ මේකයි, මේ චිත්‍රපටයේ දෙබස් වැඩිමනක් යන්නේ තායි බාසාවෙන්. නමුත් සබ්ටයිටල් තියෙන්නේ එයින් කොටසකට පමණයි. නමුත් එහෙම කරලා තියෙන එකෙන් තායි බාසාව බැරුව බිලී විඳින දුක ප්‍රේක්ෂක අපිටත් දැනවීමට මෙහි අධ්‍යක්ෂකතුමා  සමත් වෙලා තියෙනවා. ඒ වගේම දෙබස් නැති තැන වෙන වෙන techniques යොදාගෙන චිත්‍රපයට ලස්සන කරලා තියෙන විදියත් මෙහි අපට බලාගන්න පුළුවන්. විශේෂයෙන්ම රූප රාමු. මේකේ cinematography නම් සිරා මට හිතෙන විදියට. විශේෂයෙන්ම මේ පල්ලෙහා මම දාලා තියෙන සීන් එක එහෙම ඉතාමත්ම ලස්සනයි. මම මේ සීන් එක විස්තර කරන්නේ නෑ ඔබ චිත්‍රපටය බැලුවොත් මේ සීන් එක රස විඳින්න පුළුවන් වෙයි.




මේ චිත්‍රපටයේ ප්‍රධානම තේමාව ඇත්තටම බිලී තමන් එක්කම කරන සටන තමයි , මොකෝ හැම මිනිහටම වගේ අමාරුම සටන තියෙන්නේ පිට උන් එක්ක නෙමෙයි තමන් එක්කමයි.  චිත්‍රපටයේ අන්තර්ගතය ගැන ඔයිට වඩා දෙයක් කියන්න බලාපොරොත්තු වෙන්නේ නෑ මම මොකෝ මම කලින් කිව්වා වගේ මේක විචාරයක් නොවන නිසා.

මේ චිත්‍රපටය මට ඇත්තටම බලන්න හිතුනේ හේතු දෙකක් නිසා

1. මම හිරේ කතා වලට ආසයි
2. මම muay thai වලට ආසයි

මේ චිත්‍රපටයේ ඔය දෙකම තිබ්බට ඇත්තටම ඔය දෙකම මේකේ නෑත් වගේ , බලලම decide කරන්නකෝ.

මේ චිත්‍රපයට ගැන එක ඉන්ටරස්ටින් දෙයක් කියලා මගේ සටහන මම අවසාන කරන්නම් , ඒ තමයි මේ චිත්‍රපටයේ ඉන්න තායි හිරකරුවෝ නළුවෝ නෙමෙයි ඇත්තම හිරකරුවෝ ( ලු ). හැබැයි එක ඇත්ත වෙන්න පුළුවන් , මොකෝ මම ඔය උඩින් දාපු VICE වීඩියෝවේ thumbnail එකේ ඉන්න එකා තමයි මට හිතෙන්නේ මේ පහලින් ඉන්නේ.




ආහ් මේ යන්න කලින් අන්තිම ෆයිනල් දෙයක් , ඒ තමයි මේකේ ට්‍රේලර් එකේ තියෙන සංගීතය මට පට්ටෙටම හිතට වැදුනා. ඒ සංගීතය හදලා තියෙන්නේ සාම්ප්‍රදායික muay thai සටන් පටන් ගන්න කලින් සටන්කරුවෝ විසින් සිදු කරන චාරිත්‍රයක් ඇසුරෙන්. ඒ සාම්ප්‍රදායික සංගීතයට ට්‍රැප් බීට් එකක් දාලා තමයි අරන් තියෙන්නේ , ඒක සුපිරි ! ඒ චාරිත්‍රයේ වීඩියෝ එකකුත් ඔන්න පහලින් දැම්මා කැමති අයට බලන්න. හරි එහෙනම් , ඔන්න ඔහොමයි විස්තරේ , එහෙනම් කැමති අය බලන්නකෝ ! ගැබා out !





Wednesday, June 5, 2019

එක වගේ සින්දු

එක වගේ සින්දු හොයන එක මගේ විනෝදාංශයක්. මෙන්න පලවෙනි එක.


Snoop Dogg - Lay low ( Produced by Dr Dre )




Ashanthi - Sanda wathuren


Tuesday, April 30, 2019

A note to my Muslim friends from an outsider

A note to my Muslim friends from an outsider
Dear Muslim homies, this is something that I want to tell you as a non-Muslim. First let me tell you that my writing skills in English are not that good, but I wanted to write this in English as some of you might not be able to read Sinhalese. Also if you do not know me in person and this is the first time you are reading my material, then please do not be offended by my strong language ( I mean it motherfuckers ! ) and please read the note till the end before jumping into conclusions.
First of all let me tell you something about myself, I am a 50% Malay – 50% Sinhalese but 100% awesome guy as my mother is Malay. But I was raised as an ordinary Sinhala – Buddhist boy (even though i do not believe or practice any religion now). I do not speak a single word of Malay. But because of my Malay background I have spent enough time with my Malay relatives who of course are Muslims, so I have some experience with the way of life in a Muslim community. I wanted to highlight my roots because I want to point out that I have some exposure with your culture and also I want to point out to my Sinhalese friends who I am , that my opinion could be biased as I am a half Malay after all.
OK so now that is out of the way, let me cut the crap and get to the point.
As I feel, as an outsider, you Muslim motherfuckers have a problem with your community! And that problem is, you guys are too AFRAID of your religion and your culture. There is a lack of open dialogs in your community! Please feel free to correct me if I am wrong.
There are extremist acts going on in almost all religions and races because that is natural, I get it. People naturally want to stick with their own kind and naturally wish the growth of their own team. But in other communities, I see a high number of individuals “within the community” standing up against these atrocities. For example, when our hamuduru fuckers were trying to stir up racism with BBS , Rawana balaya etc we Sinhalese stood up against them. When hamuduruwo were keeping illegal elephants it was Sinhala people themselves who went to courts against them. I know many Christian friends who are fighting with their elders over bullshit in their religion and culture as well. But with Muslims, I cannot think of too many people I know who are free thinking like that! I can think of a “few”, but not enough!
Now I myself have been called many things for speaking against my own people, Bastard, NGO kaputa etc . But the thing is , in our culture in Sinhala Buddhist culture there is room for open dialog ! Most of my best friends are devoted Buddhists and whenever we get together we talk about religion , culture etc. I openly ask them “ado how do you even know whether this nirvana thing is true men? Could be a fucking lie noh” and they never chop off my head or anything: P. There is always room for freedom in our culture. But tell me, do you guys have that? Do you ever even question the existence of your so called Allah? Do you? You guys are too afraid to even talk about the future without saying inshaallah for fucks sake!
The second problem I see, is that you guys always think that Muslims are a different breed and all Muslims belong together. Whenever a Muslim dies overseas or whenever Mo Salah scores a goal you guys lose your tits! But when someone does something wrong within your community, does your mouth open to speak against that? I saw many Muslim friends sobbing over New Zealand as soon as it happened but when something as horrible as last week’s tragedy went on in their own fucking country, they are silent! You are Muslim of course, but do not forget you are living in a country, a country full of “other” people who do not give a shit about your Allah or Burkas or Halal chicken or whatever the fuck so always remember that, remember that you are Sri Lankan first and Muslim second. With that I would highlight that another problem with you is you always think that other things should change to suite your faith, well guess what, I would rather see Kim Kardashian's bare tits over black Burkas for the rest of my life so you can keep it to yourself and leave the rest be.
Take a leaf out of the Malay book, there are plenty of extreme as fuck dumb cunt Malays of course but most Malays are very fun loving, chilled people. What they have done is they have blend in with the Sinhala culture. As I said earlier since I have Malay roots myself I might be biased here, but the way Malays are living in harmony with Sinhalese people is a good example which proves that Islam is not bad, it depends on the fucking idiots who implement it. Do not forget that Indonesia, Malaysia are also Muslim countries but they are doing fine are they not? So ya do us a favor and drop the Muslim Nazi shit and try to blend in with the rest of us!
I do not wish to make this too long (like the tip of your dicks ) so let me windup real quick. I know that there are many political forces in play, that has been the case ever since the world started spinning. Politicians will always try to influence you using religion and race whether you are Buddhist, Muslim, Hindu, Pastafari or whatever. But what we can do, what you and me can do is at least create an open dialog in our community. This will at least show people that there are many avenues to think along, not just the Quran. This is not an immediate fix to what has happened to our country last week, no matter what you do now people will still be mad at you. But at least now, at least now I hope you guys can start a healthy conversation among your community thinking about the future.
There are terrorist forces that need to be dealt with force of course, there is no point in inviting an ISIS suicide bomber to watch a John Lennon interview while tripping on ACID. That tree hugging hippie approach will not work on those tera motherfuckers, they need to be shot dead. But normal people like you, you need to start this conversation among yourselves.
To wind up I would say this , I hate Upul Shantha Sannasgala I’m not a fan of his. But you must have seen Sinhala people roasting him for his famous status “Jathiwaadi pakayani , pukata payin gahala kiyanne , nawathiyalla. Muslim sahodarawaruni , papuwata atha thiyala kiyanne kukku mirikapalla” I cant remember exactly but you know what im talking about ne ? The way I see it , the real problem is not having a Sannasgala among Sinhalese , but the real problem is NOT having a Sannasgala among Muslims !
We have and will stand up against the wrongs in our communities, about damn time you guys start that too! Thanks , gaba out !
p.s – සිංහල මිතුරන්ටත් නෝට් එකක් , මේ අවස්ථාවේ උඹලට මල පැනලා ඉන්න එක සාධාරණයි . ඒත් එක එක හේතු නිසා උඹලව අවුළන උන්ට අහුවෙන්න එපා. ඔක්කොම තම්බි මරන්න ඕනේ නම් මාවත් ලිස්ට් එකට දාගනින් මාත් හාෆ් තම්බියෙක් නේ.

Monday, July 2, 2018

මිරිස් කෑම


මිරිස් කෑම

මිරිස් කියන්නේ ලංකාවේ අපේ රස නහර පිනවන දිව්‍යමය රස වලින් එකක්. සුද්දෝ හෑස් සූස් ගගා ගම්මිරිස් ඇට කනකොට අපි මිරිස් තලි තලි ගිල දාන්නේ හරිම ආඩම්බරෙන්. හැබැයි මිරිස් වලට තියෙන මේ ආසාවත් අපේ මිරිස් කෑමේ හැකියාව ගැන අපිට තියෙන අධි තක්සේරුවත් නිසා කෙල වෙච්ච අවස්තාවක් තමයි මේ කියන්න යන්නේ.

මම රස්සාව කරන්නේ කෝඩ් බාස් කෙනෙක් විදියට ( ඒ කිව්වේ සොෆ්ට්වෙයාර් එන්ජිනියර් කෙනෙක් , හැබැයි අපි කරන එන්ජිනියර් ලබ්බක් නෑ , කෝඩ් බාසුන්නැහේ වැඩේ තමයි කරන්නේ ). මම වැඩ කරන වැඩ පොලේ මව් සමාගම ස්වීඩිෂ්. ඉතින් වැඩපලේ ප්‍රොජෙක්ට් එකකට මටත් ස්වීඩන් යන්න ලැබුණා,  මම උපන්තේකට ප්ලේන් එකක ගියේ එදා තමයි.  මාත් එක්ක අපේ ටීම් එකේම වැඩ කරන ශනිලත් ආවා , ඌ තමයි ගමන පුරාවටම මාව ඇහැක් විදියට බලාගත්තේ ( ඌ රට රට වල කරක් ගහපු පිට්බුල් වගේ මිස්ටර් ඉන්ටර්නැෂනල් පොරක් ). මෙන්න කෝඩුකාර මාව බලාගත්තට ශනිලට උම්මා එකක් :* .

දන්නවනේ අපි ඉතින් දඹුලු ගියොත් තලගොයි මරාගෙන තලගොයි ජාඩි , අච්චාරු ඒ විතරක් නෙමෙයි තලගොයි ජෑමුත් දාගෙන එන උන් කියලා. මේ වගේ රට රාජ්ජෙක ආයේ කවදා යන්නද කියලා හිතිච්ච තුන් වන ලෝකේ මානසිකත්වේ නිසාම රටට ගොඩ බහින්නත් කලින් අපි හොයලා බැලුවේ මොනාද එහෙ ඉන්න ටිකේ අපිට කරන්න , බලන්න පුළුවන් දේවල් කියලා. ලොකු කාලෙකට ඉන්නෙත් නෑ සති දෙකයි අපි රටේ හිටියේ , අපිට ෆ්‍රී තිබ්බේ එක වීක්එන්ඩ් එකයි. ඒ කාලෙ ඉඳලම මගේ ලොකු ආසාවක් තිබ්බ ඇම්ස්ටර්ඩෑම් යන්න. වෙන මොකටවත් නෙමෙයි මම කොහොමත් ට්‍රැවල් කරන්න පොඩ්ඩක් වත් ආස කොල්ලෙක් නෙමෙයි, මට ඇම්ස්ටර්ඩෑම් යන්න ආසාව ඇති වුනේ එහෙ ගිහිල්ලා ආපු උන් කියපු විස්තර අහලා ! නානා ප්‍රකාර ගංජා ඉස්ටැම්ප් පිල් බඩු මේ ඔක්කොම ගහන්න තමයි මට ඕනේ කම තිබ්බේ :D ( ආයේ තව බොළඳ ආසාවක් තිබ්බා ඇම්ස්ටර්ඩෑම්  වල පාරක ඇවිදන් යද්දී ආර්මින් වෑන් බියුරන් වත් හම්බුනොත් කියලා , අනේ අම්මප අපි වගේ බොළඳ ගෙරියෝ).  ඔය නිසා අපි මුලින්ම බැලුවේ අපිට ස්වීඩන් ඉඳන් ලාබෙට ඇම්ස්ටර්ඩෑම් යන්න පුලුවන්ද කියලා. නමුත් අපි ගියේ සමර් එකේ නිසා ටිකට් පට්ට ගණන් ! ඒක නිසා ඒ අදහස අත ඇරියා. ඇම්ස්ටර්ඩෑම්  යාමේ සිහිනය බොඳ වුණා..ඊට පස්සේ ශනිලට ගණදෙවි නුවණ පහල වෙලා ගූගල් කරලා බැලුවා සමර් ෆෙස්ටිවල් මොනාද ලඟපාත තියෙන්නේ කියලා..

කියන්න සතුටුයි මිත්‍රවරුනි අපි ස්වීඩන් වල හිටපු ටවුම ළඟපාතම සුපිරි ෆෙස්ටිවල් එකක් තියෙනවා කියලා ගූගල් දෙයියා පෙන්නුවා! ආයේ සුපිරි බෑන්ඩ් , dj ල ටිකක් ගහන එකක්. ෆෙස්ටිවල් එකක් කියන්නේ ඔය ටුමොරෝලෑන්ඩ් , වාකන් වගේ දවස් දෙක තුනක් එක දිගට තියෙන සංගීත ප්‍රසංග. මහ විසාල පිට්ටනි යායක තමයි වැඩේ තියෙන්නේ. සුදු කෙල්ලෝ කොල්ලෝ සාමාන්‍යයෙන් ඕවට ඇවිත් පොඩි කෑම්ප් එකක් අටෝ ගන්නවා. ඒ අටෝගන්න කූඩාරම් වල තමයි උන් ෆෙස්ටිවල් එක ඉවරවෙනකන් ඉන්නේ. ඒවා ඇතුලේ වෙන ඒවා ඉතින් කියන්න ඕනේ නෑ නේ , දිස්කේඅම්මටදික්කසාදේ තමයි !

මම කොලු කාලෙ ඉඳන්ම ආදරේ කරපු සහ ලයිව් බලන්න හීන මවපු ලැම්බ් ඔෆ් ගෝඩ් , ආර්ච් එනමි වගේ මෙටල් බෑන්ඩ්.. ලොකුවට ආසා නොකලත් නම් ගම් අහලා තිබ්බ ඩේඩ් මවුස් , ස්ටීව් ඈයෝකි , රොබින් ෂුල්ස් , මටෝමා වගේ dj ලා.. මේ ඔක්කොම ඔය කියන ෆෙස්ටිවල් සංගීතෙට බහිනවා කියලා දාලා තිබ්බ නිසා අපි දෙවරක් හිතන්නේ නැතුව දවස් දෙකකටම ෆෙස්ටිවල් ටිකට් ගත්තා.. ඒ දවස් වලම ස්වීඩන් ඇවිල්ලා හිටපු ලංකාවේ අපේ ඔෆිස් එකේ ආතල් බුවෙක් වන කසුන් මානවඩුවත් අපේ ගමනට සෙට් වුණා.. ඔන්න දැන් තුන් දෙනා එක්ක ෆෙස්ටිවල් යන්න ලෑස්තිය.. මමයි ශනිලයි මානවඩුවයි!


අපි දවස් දෙකකට ටිකට් ගත්ත නේ , හැබැයි පලවෙනි දවසේ ගියේ මායි ශනිලයි විතරයි , මානවඩුවට එදා මොකක් හරි වැඩක්. ෆෙස්ටිවල් එකට යන එන ගමන් සහ ගිහිල්ලත් මරු මරු සීන් වුණා ඉතින් , ඒවා පසුවට කියන්නම්.. කොහොමහරි පලවෙනි දවසේ සංගීතෙට ගිහින් අපි ඉගෙන ගත්ත පාඩම තමයි ෆෙස්ටිවල් එක ඇතුලේ අරක්කු පට්ට ගණන් කියන එක ! ලංකාවේ ගල් පොල් බ්ලැක් ඔපල් ඩබල් ඩිස්ටිල් ඕල්ඩ් රිවස් ගහපු අපිට සුද්දන්ගේ සීයට හතරේ හුජ්ජ බියරුයි , රෙඩ් බුල් කෑන් එකක්ම සැන්ඩි කොරලා දෙන වොඩ්කා විසිපහේ ෂොට් එකයි ගෑවෙන්නවත් මදි ! ඒක නිසා දෙවෙනි දවසේ අපි තීරණේ කොලා ගෙදරින් අරක්කු අරං යන්න කියලා.. හැබැයි ප්‍රශ්නේ කියන්නේ ඒ ෆෙස්ටිවල් එකට පිටින් අරක්කු ගෙන ඒම සපුරා තහනම් ! ගේට්ටුවලින් ඇතුලට ගන්නකොට චෙක් කොරලා තමයි ගන්නේ.. හැබැයි එහෙම කියලා අපි සැලුනද  නෑ පින්වතුනි ! මහබැංකුවත් කොල්ල කාපු ඉතාලියට බෝට්ටුවෙන් ගියපු සව්දි අරාබියෙත් කසිප්පු පෙරපු ඉස්කෝලෙන් හොරෙන් පැනපු අභිමානවත් ජාතියකින් පැවත එන මිනිස්සු නේ බොලව් අපි ! ඒක නිසා අපි තීරණේ කළා දෙවැනි දවසේ ෆෙස්ටිවල් එක ඇතුලට හොරෙන් අරක්කු අරං යන්න !

ඔන්න ෆෙස්ටිවල් එකට යන දෙවෙනි දවස උදා වුණා.. මායි ශනිලයි හිටියේ එක ගෙදර ඒක නිසා අපි දෙන්නා හිමිදිරි පාන්දරම ඇහැරුණා.. ඇහැරිලා කෑම ටිකක් ඉව්වා.. ටික වෙලාවකින් අපේ ගෙදරට නුදුරින් හෝටලේක නැවතිලා හිටපු මානවඩුවත් කුලියට ගත්ත පුස් බයිසිකලේක නැගලා අපේ ගෙදරට සැපත් වුණා.. මේ උදේ 9ට 10ට විතර ඇති වෙලාව.. තුන් දෙනා එක්ක උදේට කාලා.. වාඩි වුණා පොඩි මේසෙකට.. ගත්තා ජැක් ඩැනියෙල්ස් බෝතල් දෙකක්.. ගුඩු ගුඩු ගාලා පුළුවන් තරම ගහ ගත්තා ගෙදර ඉඳන්ම ! අම්මපා ඒ ලෙවල් වලට පාඩම් කරන්නවත් තිබ්බේ නෑ මෙච්චර උනන්දුවක්..

ඊට පස්සේ ඉතුරු අරක්කු ටික පොඩි පොඩි කෝක් බෝතල් වලට දාලා සකස් කරගත්තා.. ඒ ටික හැංගුවේ අපි අතරින් හොර වැඩ වලට වැඩිම එක්ස්පීරියන්ස් එකක් තිබ්බ මගේ බෑග් එකේ ! එක බෝතලයක් ඉනෙත් ගහගත්තා ශේප් එකේ.. කොහොමහරි අපි තුන් දෙනා ගෙදරින් එලියට බැස්සේ ඇමරිකාවට මරාගෙන මැරෙන බෝම්බ ප්‍රහාරයක් දෙන්න යන අයි-එස්-අයි-එස් කාරයෝ තුන් දෙනෙක් වගේ ඇඟ වටේම පොඩි පොඩි බෝතල් වල අරක්කු හංගගෙන !

අපි ෆෙස්ටිවල් එකට ගියේ කෝච්චියක.. ඒ යන ගමනුත් කෝක් බෝතලයක් විතර හිස් කළා.. ඊට පස්සේ ෆෙස්ටිවල් බූමියට ලඟා වෙලා ගේට්ටුව පෙනෙන නොපෙනෙන මානෙට ඇවිත් තව බෝතලයක් ගැසුවා.. දැන් අපේ ළඟ ඉතුරු වෙලා තිබ්බේ තව අරක්කු පොඩ්ඩයි.. හැබැයි උදේ ඉඳන්ම බීගෙන ආපු නිසා අපිට නාග සලන් වෙන්න වැදිලා තිබ්බේ ! අරක්කු වලින් අපිට ලැබිලා තිබ්බ ආත්ම විශ්වාසෙ හින්දමද මන්දා සිකුරිටි එකේ හිටපු මහත සුදු අක්කගේ ඇහැට වැලි ගහලා වැඩි අමාරුවක් නැතුව අපි හංගගෙන ආපු අරක්කු බෝතල් ටික ඇතුලට පන්නගන්න අපිට පුළුවන් වුණා... ඇතුලට ගියාට පස්සේ ඉතින් ආතල් විමානේ තමයි! අරක්කු වලින් ගහපු පවර් ප්ලේ එක නිසා ඇඟට ලැබිච්ච කරන්ට් එක ඇතුලේ තිබ්බ සීයට හතරේ හුජ්ජ බියර් වලින් වුණත් ගානකට තියන් යන්න පුළුවන් වුණා.. ඒ අතරේ රොබින් ෂුල්ස් සිරා සෙට් එකක් ගැහුවා.. ඉටිකිරිස් සුදු නම්කිලාගේ ඇඟේ ගෑවී ගෑවී, බියර් සිගරට් සහ අපි හංගගෙන ආපු අරක්කු බිබී, රොබින් ෂුල්ස් ගේ බොක්කට වදින සංගීතෙට නටලා අපේ වෙරි මත උපරිමේටම ගියා !

රොබින් ෂුල්ස් ගේ සෙට් එක නිමා වුණා.. ඊළඟ සංගීතේ පටන් ගන්න තව වෙලා තිබ්බ නිසා අපි ගියා ෆෙස්ටිවල් භූමියේ තිබ්බ කඩපිල් දිහාට.. අර ඉස්කෝලේ කාර්නිවල් එකේ වගේ විවිධ කෑම ජාති බීම ජාති තියෙන පොඩි පොඩි ස්ටෝල්ස් පෝලිමට තියෙනවා.. කොහොමහරි මේ වෙලාව වෙනකොට මට හොඳටම වැදිලා තිබ්බේ.. ඒ ටිකේ මම පුදුම සිගරට් බීමක් බිව්වේ ( කොච්චරද කියනවනම් ස්වීඩන් වල හිටපු දවස් 10ට මම සිගරට් 200 කාර්ටන් එකකින් සිගරට් 180ක්ම ඉවර කරලා ) , මා එක්ක ආපු අනිත් උන් දෙන්න දුම් නොබොන අය ඒ නිසාද කොහෙද උන්ට මට තරම් වැදිලා නෑ.. හැබැයි මට නම් පුක් වෙන්න වැදිලා හීනෙන් පා වෙලා වගේ තමයි ඇවිදගෙන ගියේ..

අපි තුන්දෙනා කඩපිල් දිහා බල බල යනවා මතකයි ලාවට වගේ.. ඒ අතරින් එක කඩයක් ළඟ අපි නැවතුනා.. ඒ කඩේ හිටපු මුදලාලි එක්ක අපේ මානවඩුවා කතා කරනවා මට දැන් වෙරිමරගාතේ පේනවා.. මෙන්න ටික වෙලාවකින් මූ එනවා දඩ මිරිස් කරලක් උස්සගෙන මගේ ලඟට..

“අඩෝ.. මේක කෑවොත්.. ෆ්‍රී බර්ගර් දෙකක් හම්බවෙනවා.. උඹට කන්න පුළුවන් ද ?” මානවඩුවා මට මිරිස් කරල දික් කරලා කියනවා මට හීනෙන් වගේ ඇහුණා. අම්මට හුඩු මිරිස් කන්න බැරි මොකෝ ඩෝ අපිට ! අපි මිරිස් ගල් පිටින් කාපු ලංකාවේ වීර පුරුසයෝ ! “අයියන්ඩී බිය නොවන්න , මිරිස් කන හැටි මම පෙන්වන්නම්!” කියලා වීර මාලිංග බණ්ඩාර වගේ මම ගත්තා මිරිස් කරල අතට..
බැලු බැල්මට මාළු මිරිස් කරලක් වගේ මට වෙරි මරගාතේ පෙනුනේ.. මම මිරිස් කරල කඩේ හිටපු සුද්දටත් උස්සලා පෙන්නලා “මේක මට ගේමක් නෑ ඩෝ” වගේ හෙන පඩ ඇඩ් එකකුත් උට දාලා “චරාස්: ගාලා කෑවා මිරිස් කරලෙන් විතර බාගයක් විතර එක කටටම ! අපේ කොල්ලෝ දෙන්නයි බර්ගර් කඩේ සුද්දයි උඩ පැනගෙන දැන් මට හුරේ දානවා.. අප්පුඩි ගහනවා.. මටත් ඉතින් ඒකට පට්ට මොරාල්..අර එකොළහ වසරේ ලිට්‍රිචර් පොතේ කවියකුත් තිබ්බේ valour එක නිසා නයිට් කෙනෙක් කෙලෝ ගත්ත සීන් එකක් ! මටත් ඉතින් ඒකම වුණා ! අරුන්ගේ හුරේ දැමිල්ලට ෆෝර්ම් වෙලා මම මිරිස් කෑල්ලේ ඉතුරු බාගෙත් “චරස් චරස්” ගාලා හපලා ගිලලා දැම්මා ! ඉතුරු වුනේ නැට්ට විතරයි.. ඒකත් සුද්දට පෙන්නලා හෙන පඩ ඇඩ් එකක් දැම්මා.. දැන් මම අභියෝගේ දිනුම්! මිරිස් කරල කාපු නිසා අපිට ෆ්‍රී බර්ගර් හම්බුනා.. හැබැයි මගේ ජයග්‍රහණයේ සතුට මට විඳින්න හම්බ වුනේ නෑ..
මගේ බඩ සීග්‍රයෙන් රත්වීගෙන එනවා දැනුනා.. මුළු ඇඟම ගිනිගන්නවා වගේ හැගීමක් ආවා.. එක පාරටම...පොල්ලෙන් ගැහුවා වගේ බඩ පතුලෙන්ම මහ පොලොව ගුගුරවාගෙන ආවා කියහන්කෝ අපායේ ගිණි දැල් වගේ කැරි මිරිස් සැරක් ! උදේ ඉඳන් බීපු ලීටර් ගානක අරක්කු බියර් වල මත කොහෙන් ගියාද නෑ ! මගේ ඔලුවත් එක්ක තක්කු මුක්කු වෙලා යන පට්ට සැරක් ආවා ! සැර ඉවසගන්න බැරුව මම ළඟ තිබ්බ කුණු බක්කියක් ගාවට ගිහින් “බුවෑක්” ගලා වමනේ කළා රතුම රතු පාටට ලුණු මිරිස් වගේ තලියක් ගියා කබරයා ! ශනිලයි මානවඩුවයි මාව අල්ලාගෙන “ඒ මොකද වුනේ බං” අහනවා.. මගේ දිව ගිනිගන්නවා මිරිස් සැරට.. ඔන්න ඔය වෙලාවේ තමයි පින්වතුනි සුද්දන්ගේ දේශය දෙදරවාගෙන හෙළ සිංහයාගේ කටහඬ අවදි වුණේ..

“අම්මට හු*කන්ඩ......”

“සැරයි හු*.......තෝ..”

“මොනාද පකෝ මට කැව්වේ??????” 

මම මකරෙක් වගේ කටෙන් මිරිස් සැර ගිනිදැල් විද විද කුනුහම්බ පලනවා ! සුද්දොත් එකා දෙන්නා හැරී හැරී බලනවා...

“ඒ උඹට වතුර ටිකක් දෙන්න ද ..?”

“වතුර නෙමෙයි හු*තෝ..... මට අයිස් ක්‍රීම් එකක් ඕනේ...”

“මට අයිස් ක්‍රීම් ඕනේ හුත්තෝ!!!!!!!!”

“මට අයිස් ක්‍රීම් එකක් අරං දීපිය අම්මට හු*න්නේ නැතුව......”

“මට ඉන්න බෑ යකෝ දැවිල්ලයි !!!”

ස්වීඩිෂ් සමර් එකේ ශ්‍රී ලංකන් කුණුහරුප වරුසාවයි !

“හරි හරි බං පොඩ්ඩක් හිටහන්” මගේ දුක දැකපු මානවඩුවා දුවලා ගියා අයිස්ක්‍රීම් කඩයක් පැත්තට.. ඌ එතනට ගියාම එතන දඩ පෝලිමක් ලු ! දන්නවනේ සුද්දෝ , උන්ට පෝලිම පනිනවා කියන්නේ මාරාන්තික ලෙස මල පනින වැඩක්.. කොහොමහරි මානවඩුවා පෝලිමේ ඉස්සරහම හිටපු සුද්දා ලඟට ගිහින් උට කියලා “සර් මගේ යාලුවට හොඳටම අමාරුයි.. මම පෝලිම පැන්නට කමක් නැද්ද..” කියලා.. සුද්දගෙත් හිත උණු වෙලා මුට අයිස් ක්‍රීම් ගන්න චාන්ස් එක දීල.. අයිස් ක්‍රීම් කිව්වට අයිස් ක්‍රීම් නෙමෙයි මොකද්ද මන්දා අයිස් කැට වලට පැණි රස දාපු හුත්තක්.. කොහොමහරි ඒක කාලා මගේ කට දැවිල්ල සුව වුණා.. හැබැයි ඉතින් උදේ ඉඳන්ම සැහෙන්න මහන්සියක් දරල බීපු අරක්කු ඔක්කොගෙම වෙරි බැස්සා අර පොඩි මිරිස් කරලක් නිසා.. මානවඩුවත් හෙන අවුල මට මිරිස් කරල කැව්වට.. අවුලක් නෑ මම පණපිටින් නේ..
අපි තුන් දෙනාම වෙච්ච වැඩේට හිනා වෙවී බර්ගර් කඩේ පැත්තට ගියා කඩේ බුවා එක්ක කතා කරන්න.. කොහොමහරි අන්තිමට අපිට ෆ්‍රී හම්බවෙච්ච බර්ගර් වල වටිනාකමට වඩා වැඩි ගානක් වියදම් වුණා අර අයිස් පලන් ටික ගන්න.. ෆ්‍රී බර්ගර් වලට පෙරේත කමට මිරිස් කෑවට වැඩේ ඕවරෝල් අපිට පාඩුයි :D..

ඒ ඔක්ක්කොමත් හරි.. බර්ගර් කඩේ සුද්දට කතා කරන්න ගියාම ඌ මට පහක් දාලා පපුව දීලා කියපි..

“තමුසේ වගේ මිනිහෙක් නම් මම කවදාවත් දැකලා නෑ ඕයි..” කියලා

ඒ ඇයි ඇහුවම ඌ කියපු එකට තමයි මගේ පපුව දෙවෙනි පාරටත් හෝස් ගාලා පිච්චිලා ගියේ..

“නෑ මේ චැලේන්ජ් එක දිනන්න කන්න ඕනේ මිරිස් කෑල්ලෙන් එක කටක් විතරයි.. තමුසේ මුළු මිරිස් කරලම කෑවා නේ ඕයි !!!”

පහල තියෙන්නේ පොරත් එක්ක ගහපු ෆොටෝ එකක් :D.