ඇමතිතුමාගේ invisible ජංගිය

සුපර් මෑන් යනු ඔබ අප කව්රුත් හොඳින් අඳුරන සුපිරි වීරයෙකි. සුපර් මෑන් ලොව පුරා ජනප්‍රිය වූයේ සමාජ සම්මතයට විරුද්ධව ජොකා සිය කලිසම උඩින් ඇඳි පුද්ගලයෙකු ලෙසයි. මේ නයින් ගත් කල සුපර් මෑන් ද පට්ට රැඩිකල් පොරකි. මක්නිසාද යත් ඔහු ප්‍රධාන ධාරාවට හසුව රැල්ලට ගසාගෙන නොගිය පොරක් වූ නිසාය.

සීතාම්බර සළුවේ කතාවද ඔබ අප සැම පොඩි කාලේ අසා ඇති කතාවකි. එය වනාහි සැබෑවට නැති මුත් conceptual  රෙද්දකි. එය සුරංගනී ගේ අම්මගේ රෙද්ද වැනි සැම කෙනාටම පෙණෙන රෙද්දක් නොවේ. එය පෙන්නේ මොලේ ඇති උන්ට පමණි.

මට සුපර් මෑන් සහ සීතාම්බර සළුව එක පාරට මතක් වීමට හේතුව නම් , සීතාම්බර සළුවෙන් ජොකෙක් මසා ගත් සුපර් මෑන් කෙනෙක් ඊයේ ශ්‍රී ලංකා පොළෝ තලයට සම්ප්‍රාප්ත වීමයි. ඒ වෙන කව්රුත් නොවෙයි අපේ හර්ෂ මහත්තයා ය.

තාමත් සුද්දන් විසින් පැළ කල රූස්ස ගස් වල මැසි හදාගෙන රෑ තිස්සේ මදුරුවෝ තල තලා උන් ම හිටෝපු හේන් මුර කරන ගොන් හුකන්නලා ඉන්න රටක් වන අපේ රටේ නමට හරි "නිදහස්" චතුරශ්‍රයක් කියා එකක් තිබේ. චතුරශ්‍රය යනු කොටුවයි. ඉතින් නමේම "කොටුව" කියා තිබ්බත් , මෙම නිදහස් කොටුවේ නිදහසේ කොට්ටක් පැනීමට රජයෙන් ඉඩක් නැති වීම නම් මහ චප්ප චෝරු සීන් එකකි. ඉතින් ජාතියේ මේ දැවෙන අවශ්‍යතාවය හඳුනා ගත් අපේ රැඩිකල් තරුණ පරපුර මෙව්වා බල බල නිකන් හිටියේ නැත. ඔවුහු විරෝධත්වය පෑහ.

ඉතින් මේ අසරණ කොල්ලන් කෙල්ලන් ගැන දුක සිතී හර්ෂ සුපර් මෑන් මහතා එතනට සැණින් පියඹා ආවේ , සිය සුපිරි බලයෙන් මේ අසරණයන්ට පිහිට වීමටයි.

බැලූ බැල්මට නොපෙනුණත් , අතිගරු හර්ෂ සුපර් මෑන් තුමා සීතාම්බර සළු material එකෙන් මසා ගත් සිය නිල සුපර් මෑන් ජංගිය කලිසමට උඩින් ඇඳ සිටියේය. එය පෙන්නේ මොලේ ඇති උන්ට පමණි.එම ජංගියේ බලයෙන් සික්කන් ගේ ඔද තෙද සහ පඩ පරදවා , නරඹන්නන්ගේ ඔල්වරසන් මැද්දේ , එතුමා සියලුම ආදරවන්තයන් වෙනුවෙන් මහා වීර පරාක්‍රමයක් පෑ සේක. 
( සාදු කියන්න පින්වතුනි ).

මේ සියලු හුට පට මැද්දේ මම කල්පනා කලේ රටේ දැවෙන ප්‍රශ්ණ වලට බලධාරීන්ගේ අවධානය ලබා ගන්නේ කෙසේද කියාය. විද්‍යා විෂය ඕ ලෙවල් වෙනකන් හැදෑරු කොල්ලෙක් වශයෙන්, නිරීක්ෂණ ඇසුරෙන් නිගමනකට ඒමට මට දැන් දැන් හැකියාව ලැබී ඇත.කලකට පෙර එන්රිකේ දැක උදම් වී නංගි කෙනෙක් විසි කල බ්‍රෙසියර් එකක් නිසා අපේ හිටන් තුමාගේ පඬුපුල් ආසනේ රත්වීමද මාගේ නිරීක්ෂණයට බඳුන් විය. ඉතින් දැනට ලැබුණු දත්ත දෙක අනුව,එනම්..

1.ලවු කේස් එකක් වීම.
2.යට ඇඳුමක් ගැලවීම.

යන කරුණු දෙකෙන් යටත් පිරිසයෙන් එකක් සත්‍ය වුවහොත් , අපේ බලධාරි ඇත්තන්ගේ පුකවල් රත් වන බව , ගැබා වන මා විසින් අද දින සොයාගන්නා ලදී.

ඉතින් මෙම තියරිය අනුව , අහිංසක මට ද පොඩි දැවෙන ප්‍රශ්ණයකට රජයෙන් උදව් අවශ්‍ය වී ඇත. එනම් ඊයේ දිවි හිමියෙන් සටන් කොට දිනා ගත් නිදහස් කොටුවේ නිදහසේ පෙම් කෙලීමේ අයිතිය භුක්ති විඳීමට, අසරණ මා හට කෑල්ලක් නොමැති වීමයි. එම නිසා ජාතියේ නාමයෙන් ජොකා ගලවා වහලට විසි කිරීමට තීරණය කලෙමි. හිටන් තුමාට අර කොහෙවත් යන සක්කර වට්ටමක් විසි කරපු බ්‍රෙසියර් එකක් දැකල අච්චර නැග්ග නම් , මං වගේ පට්ට සෙක්සි කොල්ලෙක් ජොකා ගලවලා වහලේටම විසි කලාම බලන්න බැරිද හහ් !
( නැග්ග කිව්වේ මේ තරහ යන එකට ඕන් , තොපි වලත්ත විදියට හෙම හිතනවා නෙමෙයි ) 
අනික මං වගේ අසරණ කොල්ලෙක් තනිකඩ වෙලා ප්‍රේම විරහිත වෙලා ඉන්නකොට , ආදර කටයුතු පිලිබඳ ගරු අමාත්‍ය නූතන වැලන්ටයින් පියතුමා හෙවත් සුපර් මෑන් ඇමතිතුමාගේ හඳුන් පොත කී ගාන්නේ නැද්ද දෙයියෝ!

ඔන්න මම ජොකා ගැලෙව්වා ..

බලධාරීනි , මේ ඔබේ අවධානය පිණිසයි.
( සිරස TV news ඉස්ටයිල් !).

p.s - ලංකාවේ නිදහසේ පෙම් කිරීමට කිසිම ඉඩක් නැති බව ලොවෙත් පිලිගනිමි. විරෝධතාවයේ අරමුණ සමඟද එකඟ වෙමි. නමුත් ඊට වැඩ ප්‍රශ්ණ වලට මෙම ජවය යොදවන්නේ නැත්තේ ඇයි කියා මට ප්‍රශ්ණයක් ඇත. සහ ඇමැතිතුමාගේ ලකුණු දා ගැනීමේ ගොන් පාර්ට් එකට පුකෙනුත් සිනා පහල විය. මේ සටහන කාටවත් අපහාස කිරීමට නොවේ. මා පෞද්ගලිකව අඳුරන සහ සයිබරයේ අඳුරන මිතුරන් රාශියක්ම මීට සහභාගී වී තිබුණු අතර , ඊට සමාන පිරිසක් මීට විරුද්දවද අදහස් දක්වා තිබුණි. ඔන්න තොපි රෙද්ද උස්සන් එන්න එපා දැන් මාත් එක්ක ඇරගන්න :P අදහස් දැක්වීමක් මිස අපහාසයක් නොවේ. ජය!

අහන් ඉන්න ඇස් වලට කියවන්න ආසද?

මේ කියන්න යන්නේ සැහෙන්න පින් අතේ වැඩක් ගැන. මේ ටිකේ පට්ට busy නිසා වැඩිය අටුවා ටීකා ලියන්නට කාලය නැත , ඒ ගැන දයාබර පාඨක ඔබෙන් බොක්කෙන්ම සමාව ඉල්ලමි.

පොතක් පතක් කියවනවා කියන්නේ කෙනෙක් ගේ ඇස් පෑදෙනවා වගේ වැඩක් , නමුත් අවාසනාවකට පොත් "කියවන්න" ඇස් පෑදිලා නැති අපේම සහෝදර සහෝදරියෝ අනන්තවත් අපි අතර ඉන්නවා , ඉතින් මේ අයගේ ඇස් පාදන්න අවස්ථාවක් දැන් අපිට ලැබිල තියෙනවා.

කෙටියෙන් කිව්වොත් කරන්න තියෙන්නේ දෘෂ්‍යාභාධිත පාඨකයන්ට audio books සැදීම සඳහා ඔබේ කටහඬ දායකත්වය ලබා දීම.

මේ වැඩේ ගැන වැඩි විස්තර පහත link එකෙන් ගොස් ලබා ගනු මැනවි.

http://ahasenenna.blogspot.com/2015/09/blog-post_28.html

මේ වැඩේ ගැන මම දැනගත්තේ අහසෙන් එන්න blog එක ලියන කසුන් සහෝදරයාගෙන්. 

මෙතනින් මම නවතින්නම් , ආලෝකය නොදකින අපේම මිනිසුන්ට ශ්‍රව්‍යාලෝකයක් වෙන්න කැමති නම් , මේ ඔබේ අවස්ථාවයි!!

ඊනියා රස්තෆාරි

පාසල් යන කාලේ බහුතරයක් බ්‍රයිටන් කන්නාඩි දැමූහ.ඒ නිසා හුදෙක් බ්‍රයිට් පෙනුමක් ආරූඩ කරගැනීමට සමහර ළමුන් කන්නාඩි දැමූහ.

අපේ රටේ පහල වුනු බොහෝ ශ්‍රේෂ්ඨ කලාකරුවෝ මත්පැන් භාවිතයට ලොල් වූ බව නොරහසකි. ( ඒ ඇයි කියා මම නොදනිමි ). එමෙන්ම කොණ්ඩා රැවුල් වැවීම typical රැඩිකල් පොරකගේ ලක්ෂණයක් ලෙස සමාජයේ සැලකේ. ( සමහර විට චේ ෆිදෙල් නිසා වෙන්න ඇති , දන්නේ නෑ හරියට).

කෙසේ වෙතත් , කණ්ණාඩි දැමූ පමණින් බ්‍රයිටෙක් නොවේ. රැවුල් කොණ්ඩා වවාගෙන ගංජා ගැසූ පමණින් රැඩිකල් කළාකරුවෙක් නොවේ.

Not every dread is a Rasta and not every Rasta is a dread

ප.ලි - මම reggae අසමි , රස්තා නොවෙමි. Snoop Dogg ඊනියා රස්තෙකි.

ප.ලි II - මේ post එකේ target එක Snoop Dogg උත් නෙමෙයි ඔන්න.

විලංගු අවලංගු වී ඇත

සැමන් ටින් එකක් මෙන් පට්ටෙට pack වූ බස් රථයක් තුල ඔබට පඩයක් යයි,බස් එකේ කොන්දොස්තර ළමයා "ආ.. අහුවුණා අහුවුණා , මේ ඉන්නේ ! මෙයා තමයි පඩේ ඇරියේ , බහිනවා බස් එකෙන් එලියට" කියා ඔබව බස් එකෙන් එලියට ඇද දමයි. ( මේ සිද්ධිය සිදුවන්නේ පොදු ප්‍රවාහන සේවා තුල පඩ ඇරීම බරපතල වරදක් වන parallel universe එකක බව සලකන්න ). 

ඉතින් මෙලෙස පඩයක් ඇරීමේ වරදට සමාජයෙන් පිටුවහල් වන ඔබ , බස් එකේ ඉන්න අනිත් සියලුම මගීන්ට පේන පරිදි , දෑත ඔසවාගෙන , "ඔව් මම තමයි පඩේ ඇරියේ" කියා සිංහ ලීලාවෙන් බසයෙන් බැසයනවාද ? නැතිනම් බල්ලා වාගේ shape එකේ බස් එකෙන් බහිනවාද ?

බල්ලන් ගැන කතාකරනවානම් , පාරේ සිටින දඩාවතේ යන බල්ලෙක් වුවද , තමාට අවසර නැති තැනක රෙන්නට ගොස් මිනිසෙකුට හසූවී ගුටි කෑ විට , "මම අල්ලපු වත්තේ හොරෙන් රෙන්න ගිහින් අහුවුනෝ" කියමින් අනිත් බල්ලන්ට පෙනෙන්නට ලොකුවට අත පය ඔසවාගෙන දඟලන්නේ නැත.

කරුණු කාරණා මෙසේ වෙද්දී , ලොවෙත් සුජාත නොවන ලක්මෑණියන්ගේ පජාත පුත්‍රයන් වන මෙවැනි පුන්ඩේ ලා , ජනතා මුදල් ගෙඩි පිටින් කොල්ල කා , මෙලෝ ලැජ්ජාවක් නැතුව හෙන ලොකු වැඩක් කළා මෙන් අත් උඩට ඔසවාගෙන photo වලට pose දෙති.

කිසියම පවුල් සංවිධාන සමිතියක් විසින් මින් වසර 40 කට 50 කට පමණ පෙර , මුන්නැහෙලාගේ ගම් පළාත් වලට නොමිලේ condom බෙදාදීමට ක්‍රියා නොකළේ මන්දැයි කල්පනා කරමි.

රිමාන්ඩ් එකයි ඉස්පිරිතාලෙයි කියන්නේ සමාන පද ද ?

මුලින්ම කියන්නේ ඕනේ මම දේශපාලනේ ගැන මෙලෝ අල බෝලයක් දන්නේ නෑ , මම පොඩි කාලේ ඉඳලම tv එකේ යන හැම රෙද්දම බලනවා news හැර.මම මේක ලියන්නේ දේශපාලන පඬි විවරණ දෙන්න නෙමෙයි , බොක්කෙන්ම උපන් කුතුහලය නිසා.

බැසිල් මහත්තයා අද රිමාන්ඩ් භාරයට ගත්තා කියලා උදේ අම්මා කිව්වා.දැන් ගෙදර ඇවිත් හවස තේ එක ( හවස තේ එක කිව්වට බොන්නේ 7 ට විතර )  බොද්දි මෙන්න 7 news වලට කියනවා එයාව රෝහල් ගත කලාලු.

පහුගිය කාලේ ජල්තර දාගෙන මාට්ටු වෙච්ච ඇමතිලා , උන්ගේ පුතාලා ( උන්ට ඇත්තටම වෙන කාගේ හරි පුතාල කිව්වනම් තමයි හොඳ , ඒත් මගේ යාලුවෝ මට අවවාද කළා නේ blog එකේ වත් තොගේ මජර කට වහන් හිටු ගොන් ගැබා කියල , ඒක නිසා කට lock කරන් කරබාගනිමි ) ,තව ලොකු ලොකු හයිරන් කාරයෝ ඔක්කොම කෙලින්ම ගියේ බන්ධනාගාර රෝහලට.යකෝ පොලිසියට මාට්ටු වෙලා බලු van එකේ කුදලන් යනකොට රාළහාමිලා මුන්ට අතවර කරලද , මෙච්චර අහුවෙන අහුවෙන ලොක්කෝ කෙලින්ම ඉස්පිරිතාලේ දාන්නේ ?

කූඩුවේ තපින්නේ නැතිව ආතල් ගන්න ලෙඩ ඇඳට යන මේ අයියලා දැක්කම මට මතක් වෙන්නේ campus යන කාලේ medical එකක් දෙන්න තිබ්බ අමාරුව..

Campus යන කාලේ exam එකක් කට් කලොත් එය absent ලෙස ගණන් ගන්නා අතර , ලබන අවුරුද්දේ එම කට් කල subject එකම නැවත කලත් එය ගණන් ගන්නේ දෙවෙනි වාරයට උත්සහ ගත් ලෙසටයි.එලෙස දෙවෙනි වාරයට ගණන් ගන්නා ඒවාට උපරිම දෙන්න C එකක් පමණි ( මට මතක විදියට ).ඉතින් class , special දාන්න try කරන අයට මෙය ලොකු බාධාවකි.මක් නිසාද යත් සමහර subject ඇන වෙන line එකක් පෙන්නුම් කලොත් , උපරිම ප්‍රථිපල පතන ඇක dial වහාම එම subject එක ලබන අව්රුද්දෙ කිරීමට තීරණය කරති ,එතකොට හොඳට පාඩම් කරලා හොඳ grade එකක් ගන්න පුළුවන් නිසා.

මම නම් ලොවෙත් medical දී නැත , ඒ දෙයියන්ගේ පිහිටෙන් මට exam සමයේ ඉහෙන් බහින රෝගයක් නොවැලදුනු නිසාත් , මගේ පරම target එක වූයේ pass වීම පමණක් නිසාත්ය. ( නමුත් ඒ approach එක වැරදි බවත් , මා ඒ කාලේ ගොන් හරකෙක් වූ බවත් මට දැන් තේරේ .මේක කියවන campus නංගිලා මල්ලිලා ඉන්නවනම් උඹලා දැන් ඉඳලම මහන්සි වෙලා උපරිමයෙන් ඉගෙන ගනිල්ලා , නැත්තම් පස්සේ පස්සට ඇරගැනීමට සිදුවේ ).

කොහොමහරි medical දීපු මගේ යාලුවෝ කියන පරිදි නම් , campus එකේ medical එකක් pass කරගැනීම වනාහි මර්වින් සිල්වාට අවකලනය කියා දෙනවාටත් වඩා පට්ට අමාරු වැඩකි.

Exam අවුරුද්දකින් කල් දාගෙන හොඳට පාඩම් කර ගොඩ යාමේ තැත ගැන නොදැන සිටීමට තරම් මයිනන් නොවූ campus බලධාරීන් , medical සම්බන්දයෙන් මයිල් ගසටම සොයා බලා නීතිය ක්‍රියාත්මක කළහ.

මට මතක විදියට එකල accept කලේ රජයේ රෝහලකින් , දින 3ක් ( හෝ ඒ වගේ ගාණක් ) හෝ ඊට වැඩි ගානකට admit වී ලබාගත් රජයෙන් නිකුත් කරන medical පමණි.Private ඒවා accept කලේ campus එකේ නේවාසික දොස්තර මහතාගේ පට්ට investigation එකකින් පසුවය.

Campus එකේ දොස්තර , medical pass කරගැනීමෙහිලා ක්‍රිස්තියානු සාහිත්‍යයේ එන ශාන්ත පීතර වැනි පොරකි.සුරලොවේ දොරටු පාල වන ශාන්ත පීතරතුමා , ලොවෙත් ඇන්දිය නොහැකි ලෝකේ කාපු පොරකි. ( මා ක්‍රිස්තියානු බැතිමතෙක් නොවේ , මම කියන්නේ පට්ට බොරු නම් මාව හරිගස්සන්ඩෝ ).මරණයෙන් පසු සුරලොව වෙත එන බුවාලා , සුරලොවට ඇතුලත් වීමට සුදුසුදැයි තීරණය කරන්නේ එතුමායි.එතුමාට බෝලේ බස්සලා සුරලොවේ දොරටුවෙන්, එනම් pearly gates වලින් ,රිංගා ඇතුලට යාමට සක්විති sir වැනි ලෝක කැ*යෙක් ආවත් බැරිය.

Campus දොස්තරද ශාන්ත පීතර පරපුරේ වත්මන් නියෝජිතයෙකි , පීතරතුමා මුනිවරයෙක් වුනත් , දොස්තර නම් medical pass කරගන්න යන්න කොල්ලෝ කෙල්ලන්ට පේන්නේ වසවර්ති මාරයා වගේය.

Medical එක අතට ගන්නා දොස්තර , ලෙඩේ ගැන අලගිය මුලගිය තැන් විස්තර සියල්ලම ශිෂ්‍යයාගෙන් අසයි.4 වෙනි තට්ටුවට අරන් ගිය JVP සාමාජිකයන්ට කළා යැයි කියන වධ ගැන ඔබ අසා ඇත්නම් , දොස්තරයාද මේ දැන් ලාච්චුව ඇරලා තමාගේ කොට්ටම්බ තලාවි යයි කොල්ලන් බය වෙන තරමට දොස්තරගේ interrogation එක දරුණුය.

දොස්තර ළමයින්ව බෙල්ලෙන්ම අල්ලා ගන්නා ප්‍රශ්නය ලෙස ප්‍රචලිත වී තිබුනේ , "හා කියන්න බලන්න මොනවද බීපු බෙහෙත් කියලා??" යන පැනයයි.බෙහෙත් වල medical නම ඔහු අපේක්ෂා නොකලත් , ළමයා කියන පාට , මාත්‍රාව වැනි attributes වලින් ඔහු දියෙන් කිරි වෙන් කරගන්නා බව කා අතරත් පැතිරී තිබුණු මතයකි.

මේ medical මාරයාගෙන් බේරෙන ක්‍රමය අපේ batch එකේ කොල්ලෝ කෙල්ලන්ට කියා දුන්නේ , medical දීමේ ඔස්තාර් කෙනෙක් ලෙස සැලකුණු උඩ batch එකේ අයියා කෙනෙකි.ඉහේ කෙස් ගානට medical දී ඇති එම අයියා ( අවන්කෙන්ම මට අයියගේ නම මතක නැත) , දොස්තරගෙන් ටකේටම බේරෙන ක්‍රමය අපේ උන්ට කියා දී ඇත.

"මම නම් කියන්නේ මචං ලෙඩේ ඇහුවම diarrhea කියලා , මම medical එක ලියාගන්නෙත් ඒකට"

( ඩයරියා යනු නොනවත්වා බොග යාමයි )

"එතකොට අයියේ දීපු බෙහෙත් වල විස්තර ඇහුවම??"

"එතකොට කියපන් බන් බෙහෙත් දැම්මේ පුකෙන් කියලා.."

( ඩයරියා වලට ගුද මාර්ගය හරහා බෙහෙත් ඇතුලත් කිරීම සුලභව සිදු කරන්නකි )

".. මොකෝ පුකෙන් දාන බෙහෙත් වල පාට නම ගම බලාගන්න පුකේ ඇස් තියෙනවායැ බන්!"

දොස්තරගේ මාරක උගුලෙන් බේරෙන loop hole එක මෙයයි.

දැන් නැවතත් රිමාන්ඩ් - ඉස්පිරිතාල correlation එක වෙතට..

මට ඇති ගැටලුව නම් , campus එකක medical එකක් පාස් කරගැනීමටත් මෙච්චර අකුරට සොයා බලන අපේ රටේ රාජ්‍ය තන්ත්‍රය,ජනතාවගේ සල්ලි මිලියන ගණන් හොරා ගත් හොර දෙටුවන් කිසිම වග විභාගයක් නැතුව ඉස්පිරිතාලෙට කැන්දන් යන්නේ අහවල් හු යන්නකටද යන්නයි?

සමහර විට ඇමතිතුමාලත් බන්ධනාගාර දොස්තරට මෙහෙම කියලද දන්නේ නෑ shape වුනේ..

"අනේ මුකුත් දන්නේ නෑ doctor මම නම් , මට පුකෙන් නේ දැම්මේ!"

කෙසේ වෙතත් මා එක් දෙයක් දනිමි,අන්තිමට පුකේ ඇරෙන්නේ වෙන කාටවත් නොවේ , අපිටය , ජනතාවටය!